EPFO: ఉద్యోగుల అధిక పింఛన్ అప్లికేషన్లు తిరస్కరణ..ఆందోళనలో 7 లక్షల మంది

ప్రతి ఉద్యోగి కూడా తన జీవన కాలంలో పింఛన్ లేదా భవిష్య నిధి (PF) స్థిరంగా రావాలని కోరుకుంటారు. ఈ క్రమంలో భవిష్య నిధి సంస్థ (EPFO) ద్వారా పెద్ద సంఖ్యలో ఉద్యోగులు వారి జీతం ఆధారంగా అధిక పిఎఫ్ పెన్షన్ కోసం దరఖాస్తు చేశారు. కానీ ఇటీవల EPFO కొన్ని కీలక నిర్ణయాలను తీసుకుంది. వీటిలో అత్యధిక సంఖ్యలో దరఖాస్తులు తిరస్కరించడం, పింఛన్ మెరుగుదల సంబంధిత కొత్త మార్పులు ఉండడం మొదలైన అంశాలు చోటు చేసుకున్నాయి.

EPFO అంటే ఏంటి?

EPFO అంటే ఎంప్లాయీస్ ప్రావిడెంట్ ఫండ్ ఆర్గనైజేషన్. ఇది భారత ప్రభుత్వ కార్మిక, ఉపాధి మంత్రిత్వ శాఖ పరిధిలో పని చేసే సంస్థ. EPFO ప్రధానంగా ఉద్యోగుల ప్రావిడెంట్ ఫండ్ (PF), పెన్షన్ విధానాలను నిర్వహించే బాధ్యతను చూసుకుంటుంది. ప్రతి ఉద్యోగి వారి జీతానికి సంబంధించి కొంత మొత్తాన్ని ప్రావిడెంట్ ఫండ్ (PF) ఖాతాకు చెల్లించటం ద్వారా, వారి భవిష్యత్ దృష్ట్యా సొమ్మును EPFO నిర్వహిస్తుంది.

EPFOలో అధిక పీఎఫ్ పెన్షన్ ఏంటి?

అధిక పీఎఫ్ పెన్షన్ అంటే ఉద్యోగి తన ప్రస్తుత PF ఖాతా నుంచి ఎక్కువ మొత్తంలో పింఛన్ పొందడానికి చేసిన అప్లికేషన్. ఇందులో ఉద్యోగి ప్రస్తుత జీతం ఆధారంగా అధిక పెన్షన్ రేటును కోరుతూ EPFOకి దరఖాస్తు చేస్తాడు. ఆ క్రమంలో PF ఖాతాలో పెంచిన ఆమౌంట్ ఆధారంగా, ఉద్యోగి మరింత అధిక పెన్షన్ పొందగలుగుతాడు. కానీ ఇటీవల EPFO కొంతమంది PF సభ్యుల పెన్షన్ డిమాండ్లను తిరస్కరించింది. 17.49 లక్షల మందిలో 7.35 లక్షల మంది దరఖాస్తులను EPFO అనర్హులుగా ప్రకటించింది. ఈ మొత్తం సంఖ్య చాలా ఎక్కువగా ఉండటం ప్రస్తుతం చర్చనీయాంశంగా మారింది.

7 లక్షల మంది తిరస్కరణ

అయితే ఈ ఉద్యోగుల భవిష్యత్తుకు సంబంధించిన ప్రతిపాదనలపై అనేక ప్రశ్నలు తలెత్తుతున్నాయి. ఇప్పటివరకు, 24,006 మంది మాత్రమే అధిక పెన్షన్ ప్రయోజనాలను పొందగలిగారు. ఇక 2.14 లక్షల దరఖాస్తులను EPFO ఇంకా పరిశీలిస్తుంది. అయితే, 2.24 లక్షల దరఖాస్తులు ఆయా కంపెనీల నుంచి పెన్షన్ బాడీకి ఇంకా పంపలేదు. దీంతో అధిక పెన్షన్ ప్రయోజనాల కోసం దరఖాస్తు చేసిన 7.35 లక్షల మంది ఉద్యోగులు ఇప్పుడు నిరాశతో ఉన్నారు. ఎందుకంటే EPFO వారిని అధిక పెన్షన్ లభించే కోతలో కాకుండా, అనర్హులుగా ప్రకటించింది.

అధిక పెన్షన్ డిమాండ్

ఈ 7 లక్షల మంది ఉద్యోగులు, తమ ఆందోళనలను వ్యక్తం చేయడం మొదలు పెట్టారు. వారి అనుభవాలను, అభ్యంతరాలను వారు సోషల్ మీడియా ద్వారా చర్చిస్తున్నారు. అలాగే ఈ నిర్ణయానికి వ్యతిరేకంగా నిరసన ప్రదర్శనలతో ముందుకు పోవాలని నిర్ణయించుకున్నారు. ఇలాంటి అధిక పెన్షన్ డిమాండ్లకు EPFOకి భారీ మొత్తంలో ఖర్చు రావచ్చు. దాని ప్రకారం రూ.1,86,920 కోట్లు ఖర్చు అవుతాయని అంచనా. ఈ అంచనాలపై మరింత వివరణను EPFO.. తాజా సమావేశంలో సెంట్రల్ బోర్డ్ ఆఫ్ ట్రస్టీస్ (CBT) ముందు ఇచ్చింది. అయితే వీటిని ఎలా పరిష్కరిస్తారనేది ఇప్పుడు ఆయా ఉద్యోగులతోపాటు ఇది తెలిసిన వారిలో కూడా ఆసక్తి మొదలైంది.

అధిక పెన్షన్‌కు అర్హత

అధిక పెన్షన్‌కు అర్హత పొందడం కోసం EPFO నుంచి "మరింత పెన్షన్" సౌకర్యం పొందే మొదటి షరతు ఏమిటంటే, మీరు EPFOలో సభ్యత్వాన్ని సెప్టెంబర్ 1, 2014 తరువాత ప్రారంభించాలి. అలాగే, మీరు ఇప్పటికే EPFO సబ్‌స్క్రైబర్ అయితే, మీ సబ్‌స్క్రిప్షన్ సెప్టెంబర్ 1, 2014 తర్వాత కొనసాగాల్సిందే.

ఇవి కూడా చదవండి:

Business Idea: మహిళలకు బెస్ట్..లక్ష పెట్టుబడితో వ్యాపారం, నెలకు రూ.3 లక్షల ఆదాయం..

Loan Charges: ఏప్రిల్‌లో పర్సనల్ లోన్స్‌పై ప్రధాన బ్యాంకులు వసూలు చేసే వడ్డీ రేట్లు

Viral News: తల్లిదండ్రులను కాదని పెళ్లి చేసుకున్నప్పటికీ..తండ్రి కలను నిజం చేసిన కుమార్తె, ఐదేళ్లకు పునఃకలయిక

Read More Business News and Latest Telugu News