Electricity: ఆ ఏరియా వాసులకు బిగ్ అలెర్ట్..10 గంటలనుంచి విద్యుత్‌ సరఫరా బంద్
ABN , Publish Date - Jul 02 , 2025 | 07:03 AM
గౌతంనగర్‌(Gautamnagar) విద్యుత్‌ సబ్‌స్టేషన్‌ పరిధిలో విద్యుత్‌ మరమ్మతుల కారణంగా బుధవారం పలు ప్రాంతాల్లో విద్యుత్‌ సరఫరాలో అంతరాయం ఏర్పడనుందని విద్యుత్‌ ఏఈ కళ్యాణ్‌ తెలిపారు.
- నగరంలో.. నేడు విద్యుత్‌ ఉండని ప్రాంతాలు
హైదరాబాద్: గౌతంనగర్‌(Gautamnagar) విద్యుత్‌ సబ్‌స్టేషన్‌ పరిధిలో విద్యుత్‌ మరమ్మతుల కారణంగా బుధవారం పలు ప్రాంతాల్లో విద్యుత్‌ సరఫరాలో అంతరాయం ఏర్పడనుందని విద్యుత్‌ ఏఈ కళ్యాణ్‌ తెలిపారు. 11కేవీ ఐఎన్‌ నగర్‌ ఫీడర్‌ పరిధిలో ఉదయం 10 నుంచి మధ్యాహ్నం 1 వరకు ఇందిరానెహ్రూనగర్‌, గోపాల్‌నగర్‌, హన్మాన్‌పేట్‌, హిల్‌టా్‌పకాలనీ, అన్నపూర్ణ సొసైటీ 11 కేవీ ఉత్తంనగర్‌ ఫీడర్‌ పరిధిలో మధ్యాహ్నం 2.30 నుంచి సాయంత్రం 5.30 వరకు ఉత్తంనగర్‌, గౌతంనగర్‌, దయానంద్‌నగర్‌ తదితర ప్రాంతాల్లో విద్యుత్‌ సరఫరా ఉండదని వినియోగదారులు సహకరించాలని విజ్ఞప్తిచేశారు.
ఉప్పల్‌: చెట్ల కొమ్మల తొలగింపు, ఇతర మరమ్మతులు, నిర్వహణ పరమైన విద్యుత్‌ లైన్‌ల మార్పుల కారణంగా బుధవారం ఉదయం వివిధ ఫీడర్ల పరిధిలో విద్యుత్‌ సరఫరా నిలిపేస్తున్నట్లు ఉప్పల్‌ సబ్‌స్టేషన్‌ ఏఈ ఎం.నిఖిల్‌(Uppal Substation AE M. Nikhil) ఒక ప్రకటనలో తెలిపారు. ఘట్‌కేసర్‌ ఫీడర్‌ పరిధిలోని అన్నపూర్ణ కాలనీ, బీరప్పగడ్డ, భరత్‌ నగర్‌, శ్రీనగర్‌, కావేరీ నగర్‌, ధర్మపురి కాలనీలలో ఉదయం 10.30 నుంచిమధ్యాహ్నం 1.30 గంటల వరకు, చిల్కానగర్‌ ఫీడర్‌ పరిధిలోని గణేష్‌ నగర్‌, సెవెన్‌ హిల్స్‌, సాయిరాం నగర్‌, శ్రీనివాస హైట్స్‌, అపూర్వ హైట్స్‌ ప్రాంతాలలో మధ్యాహ్నం 2.30 నుంచిసాయంత్రం 5.30 గంటల వరకు కరెంటు సరఫరా ఉండదని, వినియోగదారులు సహకరించాలని కోరారు.
చిక్కడపల్లి: ఆజామాబాద్‌ డివిజన్‌(Azamabad Division), హైదరాబాద్ సిటీ-1 పరిధిలో బుధవారం విద్యుత్‌ సరఫరా ఉండదని ఏడీఈలు నాగేశ్వరరావు, వినోద్‌కుమార్‌ తెలిపారు. అహోబిల్‌మఠ్‌, లక్డీకాపూల్‌, మీరా థియేటర్‌, హిమాయత్‌నగర్‌ పరిఽధుల్లో ఉదయం 10నుంచి మధ్యాహ్నం 1గంట వరకు, డీడీకాలనీ, కపాడియా, ఏపీపీఎస్సీ పరిధుల్లో మధ్యాహ్నం 2 నుంచి సాయంత్రం 5 గంటల వరకు విద్యుత్‌ సరఫరా ఉండదని పేర్కొన్నారు.
ఈ వార్తలు కూడా చదవండి.
విద్యార్థుల హెల్త్‌ ప్రొఫైల్‌ రూపొందించాలి
Read Latest Telangana News and National News
