BC Employees: బీసీ ఉద్యోగులకు పదోన్నతుల్లో రిజర్వేషన్లు కల్పించాలి
ABN , Publish Date - Jun 16 , 2025 | 04:56 AM
కేంద్ర, రాష్ట్ర ఉద్యోగాల్లో బీసీ ఉద్యోగులకు ప్రమోషన్లలో రిజర్వేషన్లు కల్పించాలని ఎంపీ, బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య డిమాండ్‌ చేశారు.
రాజ్యాంగ సవరణకు బిల్లు పెట్టాలి
ఎంపీ ఆర్‌.కృష్ణయ్య
చంపాపేట, జూన్‌ 15(ఆంధ్రజ్యోతి): కేంద్ర, రాష్ట్ర ఉద్యోగాల్లో బీసీ ఉద్యోగులకు ప్రమోషన్లలో రిజర్వేషన్లు కల్పించాలని ఎంపీ, బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య డిమాండ్‌ చేశారు. హస్తినాపురంలోని కేకే గార్డెన్‌లో బీడీఎల్‌ ఓబీసీ ఉద్యోగుల సంక్షేమ సంఘం ఆధ్వర్యంలో నిర్వహించిన సమావేశంలో ఆయన మాట్లాడారు. కేంద్రంలో ఖాళీగా ఉన్న 16లక్షల ఉద్యోగాలను భర్తీ చేయాలని, పార్లమెంట్‌లో బీసీ బిల్లును ప్రవేశ పెట్టాలని కోరారు.
బీసీ ఉద్యోగులకు ప్రమోషన్లలో రిజర్వేషన్లు కల్పించేందుకు రాజ్యాంగ సవరణ చేయాల ని కోరారు. మండల్‌ కమీషన్‌, పార్లమెంట్‌ కమిటీ చైర్మన్‌ నాచియప్పన్‌ కమిటీ బీసీ ఉద్యోగులకు ప్రమోషన్లలో రిజర్వేషన్లు పెట్టాలని సిఫారసు చేసిందన్నారు. అన్నిపార్టీల నేతలతో చర్చిస్తామని, త్వరలో బీసీలకు మంచిరోజులు రానున్నాయని చెప్పారు.
