WhatsApp: వాట్సాప్ నుంచి కొత్త అప్డేట్.. మీ డేటా లాస్ కాకుండా..
ABN , Publish Date - May 30 , 2025 | 03:03 PM
వాట్సాప్ (WhatsApp) తన వినియోగదారుల అనుభవాన్ని మరింత మెరుగుపరచడానికి కొత్త ఫీచర్‌ను తీసుకొచ్చింది. ఈ ఫీచర్ ద్వారా వినియోగదారులు తమ ఖాతాను తాత్కాలికంగా లాగ్ అవుట్ చేయడానికి అవకాశం ఇస్తుంది. అదే సమయంలో వారు డేటా నష్టం లేకుండా వినియోగించుకోవడం విశేషం.
టెక్నాలజీ రోజురోజుకూ అభివృద్ధి చెందుతోంది. ఇదే సమయంలో వినియోగదారుల అవసరాలు కూడా వేగంగా పెరుగుతున్నాయి. ఈ క్రమంలో వాట్సాప్ (WhatsApp) ఎప్పటికప్పుడు వినియోగదారుల అనుభవాన్ని మరింత మెరుగుపరిచేందుకు కొత్త కొత్త ఫీచర్లను తీసుకొస్తుంది. ఈ నేపథ్యంలోనే వాట్సాప్ తాజాగా మరో ఫీచర్తో ముందుకొచ్చింది. ఈ ఫీచర్ ద్వారా వినియోగదారులు డేటా కోల్పోకుండా తమ ఖాతాను తాత్కాలికంగా లాగ్ అవుట్ చేసుకోవచ్చు. వినియోగదారుల గోప్యత, నియంత్రణకు ప్రాధాన్యతనిస్తూ వాట్సాప్ తీసుకున్న ఈ నిర్ణయం మెసేజింగ్ అనుభవంలో కీలకపాత్ర పోషించనుంది.
మీ డేటా సురక్షితం
ప్రస్తుతం, వినియోగదారులు తమ వాట్సాప్ ఖాతాను లాగ్ అవుట్ చేయాలంటే యాప్‌ను అన్ ఇన్‌స్టాల్ చేయాలి లేదా ఖాతాను పూర్తిగా డిలీట్ చేయాలి. దీని వల్ల మీ డేటా నష్టం లేదా బ్యాకప్ లేకుండా అనేక ఇబ్బందులను ఎదుర్కొవాల్సి వస్తుంది. కానీ ఈ కొత్త ఫీచర్ ద్వారా, వినియోగదారులు రెండు ఆప్షన్లలో ఒకదాన్ని ఎంచుకోవచ్చు. డేటా ప్రిఫరెన్సెస్ తొలగింపు ఆప్షన్ ద్వారా మీ యాప్ డేటా, సెట్టింగ్స్ పూర్తిగా తొలగించబడతాయి. డేటా ప్రిఫరెన్సెస్ స్టోరేజ్ ఆప్షన్ ద్వారా మీ ఖాతా లాగ్ అవుట్ అయినప్పటికీ, మీ చాటింగ్, గ్రూపులు, మీడియా స్టోరేజ్ అలాగే ఉంటుంది. దీంతో మీకు ఎలాంటి ఇబ్బంది ఉండదు. ఈ ఫీచర్ ప్రధానంగా వాట్సాప్‌ను అనేక పరికరాల్లో ఉపయోగించేవారికి సౌలభ్యంగా ఉంటుంది.
మల్టీ డివైస్ సపోర్ట్
ప్రస్తుతం వాట్సాప్‌ను ఒకే పరికరంలో మాత్రమే ఉపయోగించుకోవచ్చు. కానీ, కొత్త మల్టీ డివైస్ సపోర్ట్ ఫీచర్ ద్వారా వినియోగదారులు తమ ఖాతాను అనేక పరికరాల్లో వాడుకోవచ్చు. ఈ ఫీచర్ ద్వారా వాట్సాప్ వెబ్‌ను ప్రధాన ఫోన్ ఇంటర్నెట్ కనెక్షన్ లేకుండా వినియోగించుకోవచ్చు. అలాగే, ఒకే ఖాతాను నాలుగు పరికరాల్లోకి లింక్ చేసుకునే ఛాన్సుంది. ఈ క్రమంలో మీరు లాగ్ అవుట్ చేయడానికి ముందు, మీ చాటింగ్, మీడియాను బ్యాకప్ చేసుకోవాలి.
మీడియా హబ్ కూడా..
వాట్సాప్ వెబ్ వర్షన్‌లో వినియోగదారులు షేర్ చేసిన ఫైళ్లు, ఫోటోలు, లింకులను సులభంగా నిర్వహించడానికి మీడియా హబ్‌ను కూడా అభివృద్ధి చేస్తున్నారు. ఈ ఫీచర్ ఇప్పటికే బీటా వర్షన్‌లో అందుబాటులో ఉంది. భవిష్యత్తులో అందుబాటులోకి రానుంది. ప్రస్తుతం, ఈ ఫీచర్ బీటా వర్షన్‌లో పరీక్షించబడుతోంది. సాధారణ వినియోగదారులకు ఈ ఫీచర్ అందుబాటులోకి రానున్న సమయం ఇంకా ఖచ్చితంగా తెలియదు. వాట్సాప్ తన వినియోగదారుల అనుభవాన్ని మరింత మెరుగుపరచడానికి ఈ ఫీచర్‌ను త్వరలో అందుబాటులోకి తీసుకురావాలని యోచిస్తోంది.
ఇవీ చదవండి:
నాల్గవ అతిపెద్ద ఆర్థిక వ్యవస్థగా భారత్..
మరిన్ని బిజినెస్, అంతర్జాతీయ వార్తల కోసం క్లిక్ చేయండి
