Whatsapp Tips: వాట్సాప్ డిలీట్ మెసేజ్‌లు చదవాలని ఉందా..ఈ సింపుల్ ట్రిక్ మీ కోసమే
ABN , Publish Date - Jul 18 , 2025 | 08:00 PM
వాట్సాప్‌లో ఉన్న డిలీట్ ఫర్ ఎవ్రీవన్ ఫీచర్ యూజర్లకు కొంతవరకూ ఉపయోగకరంగా ఉన్నా కొన్ని సందర్భాల్లో అది ఇబ్బందికరంగా మారుతోంది. అనుకోకుండా పంపిన మెసేజ్ వెంటనే డిలీట్ చేయొచ్చని తెలిసి చాలామంది సంతోషపడతారు. అయితే డిలీట్ చేసిన వాటిని ఎలా చూడవచ్చో ఇక్కడ తెలుసుకుందాం.
ఇంటర్నెట్ డెస్క్: ఇన్‌స్టంట్ మెసేజింగ్ యాప్ వాట్సాప్ (Whatsapp) ప్రస్తుతం ప్రతి ఒక్కరికీ అవసరంగా మారింది. చాటింగ్ చేయాలన్నా, పిక్స్ పంపించాలన్నా అనేక మంది దీనినే వినియోగిస్తున్నారు. దీనిలో చాట్ చేయడం నుంచి వీడియో కాల్స్ వరకు అన్నీ అందుబాటులో ఉన్నాయి. ఈ క్రమంలోనే వాట్సాప్ తన యూజర్ల కోసం ఎప్పటికప్పుడు అనేక ఫీచర్లను అందిస్తోంది.
అయితే, ఓ ఫీచర్ మాత్రం పలువురు యూజర్లకు ఇబ్బందికరంగా మారింది. అదే డిలీట్ ఫర్ ఎవ్రీవన్. ఈ ఫీచర్ ద్వారా అనుకోకుండా పంపిన మెసేజ్‌ను వెంటనే డిలీట్ చేయవచ్చు. కానీ, ఆ డిలీట్ చేసిన మెసేజ్‌లో ఏముందో తెలుసుకోవాలని ఆ గ్రూపులోని సభ్యులు ఆలోచిస్తుంటారు.
అనేక మంది ఇబ్బంది..
మరోవైపు ప్రియురాలు లేదా ప్రియుడికి మెసేజ్ చేసి డిలీట్ చేసినప్పుడు ఏం పంపించి డిలీట్ చేశారో అనే ఆసక్తి వారికి ఉంటుంది. దీంతో ఏం డిలీట్ చేశారో చెప్పాలంటూ ఆరా తీస్తుంటారు. దీంతో ఈ ఫీచర్ వల్ల అనేక మంది ఇబ్బంది పడుతున్నారు. కానీ ఈ సమస్యకు ఓ పరిష్కారం ఉందని అనేక మందికి తెలియదు. ఒక చిన్న సెట్టింగ్ ఆన్ చేస్తే డిలీట్ చేసిన మెసేజ్‌లను సులభంగా చూసుకునే అవకాశం ఉంది. అది ఎలా అనే విషయాలను ఇప్పుడు చూద్దాం.
చూడటం ఎలా..
అలాంటి డిలీట్ చేసిన మెసేజ్‌లను చూడటానికి ఎలాంటి థర్డ్-పార్టీ యాప్‌లను డౌన్‌లోడ్ చేసుకోవాల్సిన అవసరం లేదు. కేవలం మీ స్మార్ట్‌ఫోన్‌లో ఒక సెట్టింగ్‌ను ఆన్ చేస్తే సరిపోతుంది. ఈ సెట్టింగ్ ద్వారా డిలీట్ చేసిన మెసేజ్‌లను 24 గంటలపాటు సులభంగా చూసుకోవచ్చు.
వాట్సాప్ డిలీట్ చేసిన మెసేజ్‌లను చూడటం ఎలా?
దీని కోసం మీ స్మార్ట్‌ఫోన్‌లో సెట్టింగ్స్ ఓపెన్ చేయండి
అక్కడ నోటిఫికేషన్ ఆప్షన్‌కు వెళ్లండి
ఇక్కడ మీకు నోటిఫికేషన్ హిస్టరీ అనే ఆప్షన్ కనిపిస్తుంది
ఈ ఆప్షన్‌ను ఆన్ చేయండి
ఇది ఆన్ అయిన తర్వాత వాట్సాప్‌లో డిలీట్ చేసిన మెసేజ్‌లను 24 గంటలపాటు సులభంగా చూసుకునే అవకాశం ఉంటుంది.
ఈ ఫీచర్ ఏ స్మార్ట్ఫోన్లలో అందుబాటులో ఉంటుంది?
ఈ ఫీచర్ అన్ని స్మార్ట్ఫోన్లలో అందుబాటులో ఉండదు. ఇది ఆండ్రాయిడ్ 11 లేదా ఇతర వెర్షన్‌లలో పనిచేసే స్మార్ట్ఫోన్లలో మాత్రమే లభిస్తుంది. ఐఫోన్ యూజర్లు ఈ ఫీచర్‌ను ఉపయోగించలేరు. ఈ ఫీచర్ కేవలం ఆండ్రాయిడ్ యూజర్ల కోసం మాత్రమే.
ఈ ఫీచర్ పేరు ప్రతి స్మార్ట్‌ఫోన్‌లో కొద్దిగా భిన్నంగా ఉండవచ్చు. కాబట్టి, మీ ఫోన్ సెట్టింగ్స్‌లోకి వెళ్లి ఈ ఆప్షన్‌ను చెక్ చేయండి. ఈ సెట్టింగ్ ఆన్ చేసిన తర్వాత మీరు కేవలం మెసేజ్‌లను మాత్రమే చూడగలరు. డిలీట్ చేసిన ఫోటోలు లేదా వీడియోలను ఈ ఫీచర్ ద్వారా చూడలేరు. ఈ ఫీచర్ ద్వారా 24 గంటల వరకు నోటిఫికేషన్ హిస్టరీలో చూడవచ్చు. అంతకంటే ఎక్కువ కాలం ఉండవు.
ఇవి కూడా చదవండి
యూట్యూబ్ హైప్‌ ప్రారంభం.. ఎలా ఉపయోగించాలో తెలుసా..
ఎయిర్ పోర్టులో 10వ తరగతితో ఉద్యోగాలు..లాస్ట్ డేట్ ఎప్పుడంటే
మరిన్ని జాతీయ, తెలుగు వార్తల కోసం క్లిక్ చేయండి
