IPL 2025 Final: నాలుగో వికెట్ కోల్పోయిన ఆర్సీబీ.. స్కోర్ ఎంతంటే..

ఐపీఎల్ 2025 (IPL 2025 Final) ఫైనల్ మ్యాచ్ నరేంద్ర మోదీ స్టేడియంలో జరుగుతోంది. రాయల్ ఛాలెంజర్స్ బెంగళూరు (RCB), పంజాబ్ కింగ్స్ (PBKS) మధ్య హై-వోల్టేజ్ మ్యాచ్ కొనసాగుతోంది. ఇరు జట్లు కూడా తమ మొదటి ఐపీఎల్ టైటిల్ కోసం ఆడుతున్నారు. ఈ సీజన్‌లో ఆర్సీబీ అద్భుత ప్రదర్శనతో ఫైనల్‌కు చేరుకుంది. కానీ ఫైనల్‌లో వారి బ్యాటింగ్ లైనప్ ఒత్తిడిని ఎదుర్కొన్నట్లుగా అనిపిస్తోంది. ఈ రోజు మ్యాచ్‌లో ఆర్సీబీ రెండో వికెట్ కోల్పోయిన సమయంలో స్కోరు 61/2, పవర్‌ప్లే ముగిసిన తర్వాత 6 ఓవర్లలో ఈ స్థితిలో ఉంది.

పవర్‌ప్లేలో డ్రామా

ఫైనల్ మ్యాచ్‌లో పంజాబ్ కింగ్స్ కెప్టెన్ శ్రేయస్ అయ్యర్ టాస్ గెలిచి బౌలింగ్ ఎంచుకున్నాడు. ఆర్సీబీ ఓపెనర్లు ఫిల్ సాల్ట్, విరాట్ కోహ్లీ బ్యాటింగ్‌కు దిగారు. అభిమానుల నుంచి భారీ ఆదరణతో స్టేడియం దద్దరిల్లింది. ఆ క్రమంలో సాల్ట్ 9 బంతుల్లో 16 పరుగులు చేసి ఫస్ట్ ఓవర్ తర్వాత వెంటనే ఔటయ్యాడు. దీంతో తర్వాత వచ్చిన మయాంక్ అగర్వాల్ దూకుడుగా ఆడాడు, కానీ ఆరో ఓవర్ నాటికి 24 పరుగులు చేసి ఔటై అభిమానులకు షాక్ ఇచ్చాడు.

ఈ నేపథ్యంలో వచ్చిన రజత్ పటిదార్ కూడా 16 బంతుల్లో 26 పరుగులు చేసి వెనుదిరిగాడు. ఇదే సమయంలో విరాట్ కోహ్లీ ఔట్ అయి అభిమానులకు బిగ్ షాక్ ఇచ్చాడు. కోహ్లీ 35 బంతుల్లో 43 రన్స్ చేశాడు. ప్రస్తుతం క్రీజులో లివింగ్ స్టోన్, జితేష్ ఉండగా, నాలుగు వికెట్ల నష్టానికి ఆర్సీబీ 132 పరుగులు చేసింది.

ఆర్సీబీ ఫైనల్ ప్రయాణం

ఆర్సీబీ ఈ సీజన్‌లో అద్భుతమైన ఫామ్‌లో ఉంది. రజత్ పాటిదార్ నాయకత్వంలో, ఫిల్ సాల్ట్, విరాట్ కోహ్లీ, జితేష్ శర్మ వంటి ఆటగాళ్లు జట్టును ముందుకు నడిపించారు. లీగ్ దశలో ఆర్సీబీ 7 అవే మ్యాచ్‌లలో 7 విజయాలతో టాప్ 2 స్థానాన్ని సొంతం చేసుకుంది. ఇది వారి బ్యాటింగ్ బలం, బౌలింగ్ బలాన్ని చూపిస్తుంది. క్వాలిఫయర్ 1లో పంజాబ్ కింగ్స్‌ను 8 వికెట్ల తేడాతో ఓడించి, ఆర్సీబీ ఫైనల్‌కు చేరుకుంది.

ఇవీ చదవండి:

ఈ డాట్ ఉంటే అమెజాన్, లేదంటే ఫేక్..

జూన్ నెలలో 12 రోజులు బ్యాంకులు బంద్..

మరిన్ని బిజినెస్, అంతర్జాతీయ వార్తల కోసం క్లిక్ చేయండి