NEET UG 2025: నీట్ యూజీ 2025 ఫలితాలు విడుదల.. రిజల్ట్స్ ఇలా చెక్ చేసుకోండి..
ABN , Publish Date - Jun 14 , 2025 | 01:46 PM
NEET UG 2025 ఫలితాలను నేషనల్ టెస్టింగ్ ఏజెన్సీ అధికారికంగా ప్రకటించింది. విద్యార్థులు తమ స్కోర్‌కార్డ్‌లను ఆన్‌లైన్‌లో డౌన్‌లోడ్ చేసుకోవచ్చు.
NEET 2025 Results: దేశవ్యాప్తంగా విద్యార్థులు ఎంతగానో ఎదురుచూస్తున్న నీట్ యూజీ 2025 ఫలితాలు విడుదలయ్యాయి. NEET UG 2025 ఫలితాలను నేషనల్ టెస్టింగ్ ఏజెన్సీ అధికారికంగా ప్రకటించింది. విద్యార్థులు తమ స్కోర్‌ను ఆన్‌లైన్‌లో ఇలా డౌన్‌లోడ్ చేసుకోవచ్చు. ఈమెయిల్‌తో పాటు, ఫలితాలను NTA అధికారిక వెబ్ సైట్‌లో కూడా తెలుసుకోవచ్చు.
NEET UG 2025 ఫలితాలను ఎలా చెక్ చేయాలి
అభ్యర్థులు అధికారిక వెబ్‌సైట్‌ neet.nta.nic.in ను సందర్శించండి.
NEET UG 2025 స్కోర్‌కార్డ్ డౌన్‌లోడ్ అనే లింక్‌పై క్లిక్ చేయండి.
మీ నీట్ అప్లికేషన్ నంబర్, పుట్టిన తేదీ, మీ రిజిస్టర్డ్ ఇమెయిల్ ఐడీ లేదా మొబైల్ నంబర్‌ను నమోదు చేయండి.
'సబ్‌మిట్' బటన్ పై క్లిక్ చేయండి.
మీ స్కోర్‌ స్క్రీన్‌పై కనిపిస్తుంది.
మీ రిజల్ట్స్ డౌన్‌లోడ్ చేసుకోని ప్రింటవుట్ తీసుకోండి.
త్వరలో NEET UG 2025 కౌన్సెలింగ్..
నీట్ యూజీ 2025 ఫలితాలు విడుదలైన నేపథ్యంలో మెడికల్ కౌన్సెలింగ్ కమిటీ (MCC) త్వరలోనే 15% ఆల్ ఇండియా కోటా (AIQ) సీట్లకు కౌన్సెలింగ్ ప్రక్రియను ప్రారంభించనుంది. దీని ద్వారా దేశ వ్యాప్తంగా ఉన్న అన్ని ప్రభుత్వ మెడికల్ కాలేజీల్లో ఎంబీబీఎస్, బీడీఎస్‌ సీట్లను ఫిల్ చేయనున్నారు. మిగిలిన 85 శాతం రాష్ట్ర కోటా సీట్లకు ఆయా రాష్ట్రాలు కౌన్సిలింగ్ నిర్వహించనున్నాయి. నీట్ యూజీ క్వాలిఫై అయిన అభ్యర్థులు తమ తమ రాష్ట్రాలకు సంబంధించి కౌన్సిలింగ్ డేట్స్‌పై ఫోకస్ చేయడం ఉత్తమం.
నీట్ యూజీసీలో టాపర్ ఎవరంటే..
నేషనల్ టెస్టింగ్ ఏజెన్సీ (NTA) నీట్ యూజీ 2025లో టాప్ 100 అభ్యర్థుల జాబితాను విడుదల చేసింది. అధికారిక జాబితా ప్రకారం, రాజస్థాన్‌కు చెందిన మహేష్ కుమార్ 99.9999547 శాతంతో ఆల్ ఇండియా ఫస్ట్ ర్యాంక్ సాధించాడు. ఆ తరువాత ఉత్కర్స్ అవధియ (99.9999095), క్రిషంగ్ జోషి (99.9998189), మృణాల్ కిషోర్ జా (99.9998189), అవిక అగర్వాల్ (99.9996832), జెనిల్ వినోద్‌బాయ్ భయాని(99.9996832), కేశవ్ మిట్టల్(99.9996832), భవ్యా చిరాగ్ (99.9996379), హర్ష్ కేదావత్ (99.9995474), ఆరవ్ అగర్వాల్ (99.9995474) టాప్ టెన్ ర్యాంకులు సాధించారు.
