Relationship Tips: మీ భార్య తరచుగా కోపంగా ఉంటుందా.. ఇలా కూల్ చేయండి..

Relationship Tips: భార్యాభర్తల బంధం చాలా ప్రత్యేకమైంది. ఈ బంధం ప్రేమ, కోపం, బాధ్యతలతో నిండి ఉంటుంది. అంతేకాకుండా, భార్యభర్తల మధ్య గొడవలు, అలకలు కూడా ఉంటాయి. అయితే, ఎన్ని వివాదాలు ఉన్నా.. ప్రేమ మాత్రం అలానే ఉంటుంది. కానీ, ఒక్కోసారి భర్తతో గొడవ పడ్డ భార్య అలక పాన్పు ఎక్కుతుంది. ఆ సమయంలో ఎంత బుజ్జగించినా కూడా భార్య అలక మాత్రం వదలదు. మీ భార్య కూడా ఇలా పదే పదే కోపంగా ఉంటూ అలక పాన్పు ఎక్కుతుంటే ఈ చిట్కాలు పాటించండి. ఇవి ఫాలో అయితే ఆమె వెంటనే కూల్ అవుతుంది.

ప్రశాంతంగా వినండి:

మీ భార్య అలిగినప్పుడు లేదా కోపంగా ఉన్నప్పుడు మీరు ఆమెతో మాట్లాడటానికి బదులు ఆమె మాటలు ప్రశాంతంగా వినండి. మీరు వారి భావాలకు ప్రాముఖ్యత ఇస్తున్నారని వారు భావిస్తారు. కోపం వెనుక ఏదో కారణం ఉంటుంది కాబట్టి, దానిని తెలుసుకోవడానికి ప్రయత్నించండి.

క్షమాపణ చెప్పండి :

భార్యాభర్తల మధ్య గొడవలు సాధారణం కాబట్టి మీ తప్పు కాకపోయినా క్షమాపణ చెబితే సరిపోతుంది. ఎందుకంటే, నిజమైన క్షమాపణ సంబంధాన్ని కాపాడుతుంది. ప్రేమను కొనసాగించడానికి ఇదే మార్గం. అలా కాకుండా ఇగోకు పోతే ఆ బంధం నిలబడటం కష్టమవుతుంది.

కాసేపు ఒంటరిగా వదిలేయండి:

మీ భార్యతో మాట మాట పెరిగి పరిస్థితులు తీవ్ర స్థాయికి చేరుకుంటుంటే వారిని కాసేపు ఒంటరిగా వదిలేయండి. ఎందుకంటే కోపంలో ఆలోచన లేకుండా ప్రవర్తిస్తారు. కాబట్టి మీరు వారితో గొడవ పడటానికి బదులు కాసేపు వారిని వదిలేయడం మంచిది. ఆలోచించడానికి వారికి కొంత సమయం ఇవ్వండి. కోపం కొంచెం చల్లబడిన తర్వాత వారిని నవ్వించడానికి ప్రయత్నించండి. తర్వాత హృదయపూర్వకంగా వారితో మాట్లాడండి.

Also Read:

సహజ సౌందర్యానికి ముక్కుపుడక..దీని ఆరోగ్య ప్రయోజనాలు తెలుసా..

పిడుగు పడేప్పుడు ఈ ముఖ్య విషయాలు గుర్తుంచుకోండి..

For More Lifestyle News