Beauty Tips: మీ చర్మం ప్రకాశవంతంగా మెరవాలంటే... ఉదయం నిద్ర లేవగానే ఇలా చేయండి..

Beauty Tips: అమ్మాయిలు తాము ఎప్పుడు అందంగా కనిపించాలని భావిస్తారు. ఇందుకోసం రకరకాల క్రీములు రాస్తారు. అయితే, కొంతమంది మాత్రం తమ చర్మం ఎప్పుడూ జిడ్డుగా ఉంటుందని బాధపడతారు. అలాంటి వారు ప్రతి రోజు ఉదయం కలబందతో ఈ చిట్కాలను పాటిస్తే కొన్ని రోజుల్లోనే చర్మం మృదువుగా, ప్రకాశవంతంగా, ఆరోగ్యంగా ఉంటుందని నిపుణులు చెబుతున్నారు. తాజా కలబంద జెల్ ను నేరుగా ముఖానికి అప్లై చేయడం వల్ల చర్మం మెరిసిపోతుందని అంటున్నారు. కలబంద జెల్‌ను చేతులతో ముఖంపై మసాజ్ చేసుకుని 10 నిమిషాలు అలాగే ఉంచి తర్వాత నీటితో శుభ్రం చేసుకుంటే చర్మం మృదువుగా మారుతుంది. రోజంతా తాజాగా ఉంటుంది.

కలబంద - తేనె:

ఒక చెంచా తేనె, కొద్దిగా కలబందను తీసుకొని మీ ముఖంపై అప్లై చేయండి. కొంత సమయం తర్వాత కడిగేయండి. ఇలా చేయడం ద్వారా మీ ముఖం మెరుపు తిరిగి వస్తుంది.

కలబంద- రోజ్ వాటర్:

ఫ్రిజ్ నుండి చల్లటి రోజ్ వాటర్ తీసుకొని దానికి కలబంద జెల్ కలపండి. తర్వాత కాటన్ ప్యాడ్‌తో ముఖానికి అప్లై చేయండి. ఇది చర్మాన్ని చల్లబరుస్తుంది. రంధ్రాలను బిగుతుగా చేస్తుంది. చికాకును తగ్గిస్తుంది.

కలబంద - పసుపు ఫేస్ ప్యాక్:

ఒక చెంచా కలబందలో చిటికెడు పసుపు కలిపి ముఖానికి అప్లై చేయండి. ఆరిన తర్వాత కడిగేయండి. ఇది మొటిమలు, మచ్చల నుండి ఉపశమనం ఇస్తుంది.

కలబంద - ఐస్ క్యూబ్స్:

కలబంద జెల్‌ను ఐస్ ట్రేలో ఫ్రీజ్ చేసి ఉదయం ఒక క్యూబ్‌తో మీ ముఖం మీద రుద్దండి. ఇలా చేయడం వల్ల ముఖం ఉబ్బడం తగ్గుతుంది. చర్మంలో రక్త ప్రసరణ పెరుగుతుంది.

కలబందతో సహజ మెరుపు:

వీటన్నింటినీ ఉపయోగించడం ద్వారా మీరు ఒక వారంలోనే తేడాను చూస్తారు. మేకప్ లేకుండానే ముఖం లోపలి నుండి మెరుస్తూ ఉంటుంది. అప్పుడు ఎలాంటి మేకప్ అవసరం ఉండదు.

Also Read:

ఉదయం లేదా సాయంత్రం.. ఎప్పుడు స్నానం చేయాలి..

ఇలాంటి కోడలు ఉంటే ఇల్లు నరకమే..

For More Lifestyle News