Ghee: నెయ్యి మంచిదే... కానీ ఈ 5 పదార్థాలతో కలిస్తే విషం అవుతుంది!

Ghee: నెయ్యి ఆరోగ్యానికి చాలా మేలు చేసే ఆహారం. దీంట్లో విటమిన్ A, D, E, K లతో పాటు పోషకాలు కూడా పుష్కలంగా ఉన్నాయి. అంతేకాకుండా, ఇది యాంటీఆక్సిడెంట్లు, ఆరోగ్యకరమైన కొవ్వులను కలిగి ఉంటుంది. ఇది అనేక ఆరోగ్య ప్రయోజనాలను ఇస్తుంది. నెయ్యి జీర్ణక్రియను మెరుగుపరచడానికి, పేగు ఆరోగ్యాన్ని కాపాడటానికి సహాయపడుతుంది. శరీరానికి తక్షణ శక్తిని అందిస్తుంది. చర్మ సంరక్షణలోనూ సహాయపడుతుంది. అంతేకాకుండా, జుట్టుకు పోషకాలు అందిస్తూ జుట్టు ఆరోగ్యంగా ఉండటానికి సహాయపడుతుంది. రక్తపోటును నియంత్రించడంలో, గుండె సంబంధిత వ్యాధులను నివారించడంలో ఉపయోగపడుతుంది. కానీ నెయ్యిని మితంగా తీసుకోవడం కూడా చాలా ముఖ్యం. అయితే, నెయ్యితో కలిపి తినకూడని కొన్ని ఆహారాలు ఉన్నాయి. అవేంటో ఇప్పుడు తెలుసుకుందాం..

తేనె

నెయ్యి, తేనె రెండూ ఆరోగ్యానికి చాలా మంచివని భావిస్తారు. కానీ ఆయుర్వేదం ప్రకారం, రెండింటినీ కలిపి తీసుకోవడం మంచిది కాదు. ఈ రెండింటినీ కలిపి తీసుకోవడం వల్ల శరీరంలో విషపదార్థాలు ఏర్పడతాయి. ఇది జీర్ణక్రియను ప్రభావితం చేస్తుంది.

టీ లేదా కాఫీ

టీ లేదా కాఫీలో నెయ్యి కలిపి ఎప్పుడూ తాగకూడదు. ఇది మన జీర్ణక్రియను ప్రభావితం చేస్తుంది. దీనివల్ల ఆమ్లత్వం లేదా ఉబ్బరం వంటి సమస్యలు వస్తాయి.

చేప

మన ఆయుర్వేదంలో నెయ్యి, చేపలను కలిపి తీసుకోవడం ఆరోగ్యానికి మంచిది కాదు. వేడిగా ఉన్న నెయ్యిని, చల్లగా ఉన్న చేపలను కలిపి తింటే అది జీర్ణక్రియ, చర్మ సమస్యలను కలిగిస్తుంది.

పెరుగు

నెయ్యి, పెరుగు రెండూ కూడా పాలతో తయారవుతాయి. కానీ, వాటిని కలిపి తీసుకోకూడదు. ఎందుకంటే, రెండూ ఒకదానికొకటి పూర్తిగా వ్యతిరేకం. నెయ్యిని వేడిగా, జిడ్డుగా పరిగణిస్తారు. పెరుగును చల్లగా పరిగణిస్తారు. రెండింటినీ కలిపి తినడం వల్ల జీర్ణ సమస్యలు వస్తాయి.

ముల్లంగి

ఆయుర్వేదం ప్రకారం ముల్లంగి, నెయ్యిని కలిపి తినకూడదు. ఎందుకంటే, ముల్లంగిలో ఉండే లక్షణాలు.. నెయ్యిలో ఆరోగ్యకరమైన కొవ్వులతో విభేదిస్తాయి. ఇది జీర్ణక్రియను నెమ్మదిస్తుంది. కడుపులో అసౌకర్యం, ఉబ్బరం, గ్యాస్ వంటి సమస్యలను కలిగిస్తుంది.ఈ రెండింటినీ వేర్వేరుగా తింటేనే ఆరోగ్యానికి మంచిదని నిపుణులు అంటున్నారు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

దానిమ్మ పండ్లను ఫ్రిజ్‌లో ఉంచవచ్చా..

ఉదయాన్నే ఇవి తింటున్నారా.. జాగ్రత్త..

For More Health News