Stock Market Wednesday: ఇవాళ కూడా ఇరగదీసిన మార్కెట్లు.. 80వేల పైన ముగిసిన సెన్సెక్స్

Stock Markets Wednesday Closing: భారత స్టాక్ మార్కెట్లు వరుసగా 7వ రోజు లాభాలతో ముగిశాయి. నిఫ్టీ 24,300 పైన ముగియగా, సెన్సెక్స్ 521 పాయింట్లు పెరిగింది. ఇవాళ ఐటీ స్టాక్స్ లో ర్యాలీ కనిపించింది. రోజంతా దాదాపు పూర్తి వోలటైల్‌తో మార్కెట్లు నడిచాయి. ఉదయం భారీ గ్యాప్ అప్‌తో ఓపెన్ అయిన మార్కెట్లు తర్వాత భారీగా పడ్డం మొదలు పెట్టాయి. మధ్యాహ్నం నుంచి మార్కెట్లు భారీగా కోలుకున్నాయి. ఇవాళ ఇన్ఫర్మేషన్ టెక్నాలజీ, ఫార్మా, ఆటో స్టాక్స్ ఆధిక్యంలో నిలువడంతో, వరుసగా ఏడవ సెషన్‌లోనూ భారత బెంచ్‌మార్క్ సూచీలు సానుకూల ముగింపునిచ్చాయి.

బుధవారం మార్కెట్లు ముగిసే సమయానికి, సెన్సెక్స్ 520.90 పాయింట్లు లేదా 0.65 శాతం పెరిగి 80,116.49 వద్ద ఉంది. నిఫ్టీ 161.70 పాయింట్లు లేదా 0.67 శాతం పెరిగి 24,328.95 వద్ద ఉంది. నిఫ్టీ50 ఇండెక్స్ 24,300 పైన ముగిసి 4 నెలల గరిష్ట స్థాయికి చేరుకుంది. అయితే డిసెంబర్ 2024 తర్వాత మొదటిసారిగా BSE సెన్సెక్స్ 80,000 పైన ముగియడం ఆసక్తికరం.

ఇక ఆయా రంగాల పరంగా చూస్తే.. ఇవాళ ఐటీ ఇండెక్స్ 4 శాతం, ఆటో ఇండెక్స్ 2 శాతం కంటే ఎక్కువ పెరిగాయి. PSU బ్యాంక్, కన్స్యూమర్ డ్యూరబుల్స్ సూచీలు 0.5-1 శాతం తగ్గాయి. నిఫ్టీలో హెచ్‌సిఎల్ టెక్నాలజీస్, టెక్ మహీంద్రా, టాటా మోటార్స్, విప్రో, ఇన్ఫోసిస్ అత్యధికంగా లాభపడ్డాయి. హెచ్‌డిఎఫ్‌సి బ్యాంక్, కోటక్ మహీంద్రా బ్యాంక్, యాక్సిస్ బ్యాంక్, ఎస్‌బిఐ, గ్రాసిమ్ ఇండస్ట్రీస్ నష్టపోయాయి. బిఎస్‌ఇ మిడ్‌క్యాప్ ఇండెక్స్ 1 శాతం పెరిగింది. స్మాల్‌క్యాప్ ఇండెక్స్ 0.2 శాతం పెరిగింది.

క్యూ4 ఆదాయాల ప్రకటన తర్వాత హెచ్‌సిఎల్ టెక్నాలజీస్ షేర్లు అత్యధికంగా లాభపడ్డాయి. క్యూ4 రిజల్ట్‌లో 36.5% పెరిగిన లాభం తర్వాత సైయంట్ డిఎల్‌ఎం షేర్లు 3.5 శాతం పెరిగాయి. జమ్మూ అండ్ కాశ్మీర్ బ్యాంక్ 5 రోజుల విజయ పరుగును ఆపి ఉగ్రవాద దాడి మధ్య దాదాపు 9 శాతం పడిపోయింది. మరోవైపు, జమ్మూ కాశ్మీర్‌లోని అనంత్‌నాగ్ జిల్లాలోని పహల్గాంలో జరిగిన ఉగ్రవాద దాడిలో 26 మంది మరణించిన ఒక రోజు తర్వాత ఎయిర్‌లైన్, హోటల్ స్టాక్‌లు ఒత్తిడికి గురయ్యాయి.

ఇక, BSEలోని 80 స్టాక్‌లు ఇవాళ 52 వారాల గరిష్ట స్థాయిని నమోదు చేశాయి. వాటిలో కృష్ణ ఇన్‌స్టిట్యూట్ ఆఫ్ మెడికల్ సైన్సెస్, UPL, ఆస్ట్రాజెనెకా ఫార్మా, భారతీ హెక్సాకామ్, లారస్ ల్యాబ్స్, JK సిమెంట్, HDFC బ్యాంక్, AAVAS ఫైనాన్షియర్స్ మొదలైనవి ఉన్నాయి.

ఇవాళ మార్కెట్లు ప్రారంభం కాగానే బెంచ్‌మార్క్ ఇండెక్స్ అస్థిరమైన ట్రేడింగ్ సెషన్‌ను ఎదుర్కొంది. ఓవర్‌బాట్(అత్యధిక అమ్మకాలు) బ్యాంకింగ్ స్టాక్‌ల ఒత్తిడి కారణంగా దాని ప్రారంభ లాభాలను కొనసాగించడానికి ఇబ్బంది పడింది. అయితే, ట్రేడింగ్ సెషన్ యొక్క రెండవ భాగంలో, IT రంగంలో బలమైన పనితీరు, ఫార్మా మరియు ఆటో విభాగాల నుండి అదనపు మద్దతుతో ఇండెక్స్ క్రమంగా కోలుకుంది. ఈ సమిష్టి ఊపు 161.70 పాయింట్ల గణనీయమైన లాభాలతో ఇండెక్స్ 24,328.95 వద్ద ముగియడానికి సహాయపడింది.

US ట్రెజరీ కార్యదర్శి స్కాట్ బెసెంట్ క్లోజ్డ్-డోర్ సమావేశంలో US-చైనా వాణిజ్య ఉద్రిక్తతలు తగ్గుతాయని తాను నమ్ముతున్నానని చెప్పిన తర్వాత డాలర్ పెరిగింది. ఫెడరల్ రిజర్వ్ అధిపతిని తొలగించే ప్రణాళికలు లేవని అధ్యక్షుడు డొనాల్డ్ ట్రంప్ చెప్పడంతో పాటు, చైనాకు తక్కువ సుంకాలను సూచించడంతో యూరోపియన్ సూచీలు, ఆసియా సూచీలు సానుకూలంగా ముగిశాయి.

Pahalgam Terror Attack: మళ్లీ సర్జికల్ స్ట్రైక్ తప్పదా..

Pahalgam Terror Attack: ఉగ్రవాదుల చిత్రాలు విడుదల చేసిన నిఘా వర్గాలు

Pahalgam Terror Attack: మృతులకు అమిత్ షా ఘన నివాళి.. హెల్ప్‌ లైన్ నెంబర్లు విడుదల..

Pahalgam Terror Attack: వేడుక కోసం వెళ్లి.. విగత జీవిగా మారిన ఎస్‌బీఐ ఉద్యోగి

Pahalgam Terror Attack: కాల్పులు జరిపిన ఉగ్రవాది ఫొటో విడుదల

Pahalgam Terror Attack: జస్ట్..పెళ్లయిన ఐదు రోజులకే..

Pahalgam Terror Attack: నేడు బంద్.. పహల్గాంలో కాల్పుల వెనుక ఉంది అతడే..

Pahalgam Terror Attack: జమ్మూ కశ్మీర్‌లో ఉగ్రవాదుల కాల్పులు.. వైరల్‌గా మారిన వీడియోలు

For National News And Telugu News