Income Tax Return: పన్ను చెల్లింపుదారుల కోసం ITR-2, ITR-3 ఫామ్స్ విడుదల..ఇవి ఎవరు ఉపయోగిస్తారంటే

ఆదాయపు పన్ను శాఖ 2025-26 అసెస్‌మెంట్ ఇయర్ (AY) కోసం ITR-2, ITR-3 ఆఫ్‌లైన్ ఫామ్‌లను విడుదల చేసింది. ఈ ఫామ్‌లు వ్యక్తులు, హిందూ అవిభక్త కుటుంబాలు (HUFs), క్యాపిటల్ గెయిన్స్, విదేశీ ఆదాయం, వ్యాపారం, వృత్తి పరంగా ఆదాయం (Income Tax Return) ఉన్నవారికి రూపొందించబడ్డాయి. ITR-1, ITR-4 ఫామ్‌లు ఇప్పటికే విడుదల కాగా, ITR-2, ITR-3 ఫామ్‌ల విడుదల తాజాగా జరిగింది.

పలు రకాల మార్పులు..

2025-26 కోసం ITR ఫామ్‌లలో పలు రకాల మార్పులు చేయడం వల్ల ఈ ఆలస్యం జరిగింది. ఈ మార్పులకు బ్యాకెండ్ సిస్టమ్ అప్‌గ్రేడ్‌లు, యుటిలిటీ ప్రోగ్రామింగ్ ధ్రువీకరణ అవసరమైందని అధికారులు తెలిపారు. ఈ ఆలస్యానికి యాన్యువల్ ఇన్ఫర్మేషన్ స్టేట్‌మెంట్ (AIS), ట్యాక్స్‌ పేయర్ ఇన్ఫర్మేషన్ సమ్మరీ (TIS)లో సమస్యలు, అంతర్జాతీయ రిపోర్టింగ్ ప్రమాణాలతో సమన్వయం, ప్రభుత్వ సర్క్యులర్‌లతో అనుసంధానం వంటివి కారణమన్నారు.

ITR-2, ITR-3లో కొత్త మార్పు ఏంటి..

• ITR-2, ITR-3 ఫామ్‌లలో చేసిన మార్పులు ఫైనాన్స్ (నెంబర్ 2) చట్టం, 2024లోని సవరణలను ప్రతిబింబిస్తాయని ట్యాక్స్‌మాన్ సంస్థ ఉపాధ్యక్షుడు నవీన్ వాధ్వా తెలిపారు.

• ఆస్తులు, బాధ్యతలను తప్పనిసరిగా రిపోర్ట్ చేయాల్సినవి రూ. 50 లక్షల నుంచి రూ. 1 కోటికి పెంచారు.

• కొత్త ఫామ్‌లలో, ఆస్తి బదిలీ జులై 23, 2024కు ముందు లేదా తర్వాత జరిగిందా అనేది వెల్లడించాలి. ఇది పన్ను రేట్లపై, ముఖ్యంగా ఆస్తి అమ్మకాలపై ప్రభావం చూపిస్తుంది.

• అక్టోబర్ 1, 2024 తర్వాత షేర్ బై బ్యాక్‌లపై క్యాపిటల్ లాసెస్ క్లెయిమ్ చేసుకోవచ్చు. సంబంధిత డివిడెండ్ ఆదాయాన్ని రిపోర్ట్ చేయాలి.

• TDS డిడక్ట్ చేయబడిన నిర్దిష్ట సెక్షన్‌ను రిపోర్ట్ చేయడానికి కొత్త ఫీల్డ్ చేర్చారు

• 80C, 80D వంటి డిడక్షన్స్, విదేశీ ఆస్తులు, వర్చువల్ డిజిటల్ ఆస్తులకు సంబంధించి మరింత వివరణాత్మక సమాచారం అవసరం. ఈ మార్పులు ఫైలింగ్‌ను సులభతరం చేస్తాయి.

ITR-2, ITR-3 ఎవరు ఫైల్ చేయాలి

ITR-2: జీతం, అనేక గృహ ఆస్తులు, క్యాపిటల్ గెయిన్స్ లేదా విదేశీ ఆస్తుల నుంచి ఆదాయం ఉన్న వ్యక్తులు, HUFs లకు ఉపయోగం. వ్యాపారం లేదా వృత్తిపరమైన ఆదాయం ఉన్నవారు ఈ ఫామ్‌ను ఉపయోగించకూడదు.

ITR-3: వ్యాపారం లేదా వృత్తిపరమైన ఆదాయం ఉన్న వ్యక్తులు దీనిని వినియోగించాలి. సెక్షన్ 44AD, 44ADA, 44AE కింద ట్యాక్సేషన్ స్కీమ్‌ల ద్వారా ఆదాయం ఉన్నవారు కూడా ఈ ఫామ్‌ను ఉపయోగించవచ్చు.

గడువు తేదీలు

నాన్-ఆడిట్ కేసుల కోసం ఐటీఆర్ దాఖలు చేయడానికి ఆఖరి తేదీ సెప్టెంబర్ 15, 2025. డిసెంబర్ 31 వరకు ఆలస్య రిటర్న్‌ను పెనాల్టీలు, వడ్డీతో ఫైల్ చేసుకోవచ్చు. ఆడిట్ వ్యాపారాల కోసం ఫైలింగ్ గడువు అక్టోబర్ 31, 2025. ఈ నేపథ్యంలో పన్ను చెల్లింపుదారులు ఈ మార్పులను జాగ్రత్తగా పరిశీలించి ఫైలింగ్ కోసం సిద్ధం కావాలని అధికారులు సూచించారు.

ఇవి కూడా చదవండి

యూట్యూబ్‌లో ఆ వీడియోలపై ఆదాయం రద్దు.. కొత్త రూల్స్

ఎయిర్ పోర్టులో 10వ తరగతితో ఉద్యోగాలు..లాస్ట్ డేట్ ఎప్పుడంటే

మరిన్ని జాతీయ, తెలుగు వార్తల కోసం క్లిక్ చేయండి