Gold Rates Today: మళ్లీ పుంజుకున్న బంగారం, వెండి ధరలు

దేశవ్యాప్తంగా రేపు (ఏప్రిల్ 30న) అక్షయ తృతీయ పండుగ జరగనుంది. ఈ సందర్భంగా నేడు మీరు పసిడి లేదా వెండి కొనుగోలు చేయాలని చేస్తున్నారా. అయితే నేటి ధరల గురించి మాత్రం తప్పక తెలుసుకుని వెళ్లండి. ఈ క్రమంలో ఏప్రిల్ 29న గుడ్ రిటర్న్స్ వెబ్‌సైట్ ప్రకారం ఉదయం 11.26 గంటలకు 24 క్యారెట్ల బంగారం ధర మళ్లీ పెరిగి రూ. 97,970 స్థాయికి చేరుకుంది. ఇక 22 క్యారెట్ల గోల్డ్ ధర రూ. 89,800గా కలదు. ఇదే సమయంలో దేశ రాజధాని ఢిల్లీలో 24 గోల్డ్ రేటు రూ. 98,120 స్థాయిలో ఉండగా, 22 క్యారెట్ల గోల్డ్ ధర రూ. 89,950గా కలదు.

నేటి వెండి ధరలు

ఇదే సమయంలో వెండి రేట్లు కూడా పెరిగాయి. ఈ నేపథ్యంలో ఢిల్లీలో కేజీ వెండి ధర రూ.100 పెరిగి రూ.100,500 స్థాయికి చేరుకుంది. మరోవైపు హైదరాబాద్, విజయవాడలో రూ. 111,000 ఉండగా, చెన్నైలో రూ.111,000, పూణేలో రూ.100,500, బెంగళూరులో రూ.100,500 పరిధిలో ఉంది. స్టాక్ మార్కెట్లు ప్రారంభమైన తర్వాత బంగారం, వెండి రేట్లలో మార్పులు జరిగే అవకాశం ఉంది. కాబట్టి వీటిని కొనుగోలు చేసే ముందు వీటి ధరలను తప్పక తెలుసుకోవాలి.

గోల్డ్ స్వచ్ఛత విషయంలో..

బంగారం స్వచ్ఛతను గుర్తించడానికి అంతర్జాతీయ ప్రామాణీకరణ సంస్థలు హాల్ మార్కులను ఇస్తాయి. 24 క్యారెట్ల బంగారు ఆభరణాలపై 999 అని, 23 క్యారెట్ల బంగారు ఆభరణాలపై 958 అని, 22 క్యారెట్ల బంగారు ఆభరణాలపై 916 అని, 21 క్యారెట్ల బంగారు ఆభరణాలపై 875 అని, 18 క్యారెట్ల బంగారు ఆభరణాలపై 750 అని రాసి ఉంటుంది. చాలా వరకు బంగారం 22 క్యారెట్లలో అమ్ముడవుతుండగా, కొంతమంది 18 క్యారెట్లను కూడా ఉపయోగిస్తారు. క్యారెట్ 24 మించకూడదు, క్యారెట్ ఎంత ఎక్కువగా ఉంటే, బంగారం అంత స్వచ్ఛంగా ఉంటుంది. 24 క్యారెట్ల బంగారం 99.9 శాతం స్వచ్ఛమైనది. 22 క్యారెట్ల బంగారం దాదాపు 91 శాతం స్వచ్ఛమైనది. 22 క్యారెట్ల బంగారంలో రాగి, వెండి, జింక్ వంటి 9% ఇతర లోహాలను కలిపి ఆభరణాలు తయారు చేస్తారు. 24 క్యారెట్ల బంగారం అత్యంత స్వచ్ఛమైనది అయినప్పటికీ, 24 క్యారెట్ల బంగారంతో ఆభరణాలు తయారు చేయలేమని దయచేసి గమనించండి.

ఇవి కూడా చదవండి:

Akshay Tritiya: అక్షయ తృతీయకు గోల్డ్ కొనలా..వెయిట్ చేయాలా

Bank Holidays: మే 2025లో 12 రోజులు బ్యాంకులు బంద్.. పూర్తి లిస్ట్ ఇదే

NaBFIDలో అనలిస్టు పోస్టులకు నోటిఫికేషన్.. రూ.14 లక్షల జీతంతో మంచి ఛాన్స్

Read More Business News and Latest Telugu News