Gold Robbery: భార్యాభర్తలను కట్టేసి.. 25 తులాల బంగారం దోచుకెళ్లిన దుండగులు

శ్రీసత్య సాయి జిల్లా (sathya sai district) హిందూపురం మండలంలోని కిరికెరలో జరిగిన దోపిడీ ఘటన స్థానిక ప్రజల్లో భయాందోళన సృష్టించింది. నిత్యానంద రెడ్డి ఆయన భార్య ఓమను బంధించి, ఇంట్లో ఉన్న 25 తులాల బంగారం (Gold Robbery) దుండగులు దోచుకెళ్లారు. ఈ ఘటన అర్ధరాత్రి సమయంలో జరిగింది. నిత్యానంద రెడ్డి ఆయన భార్య ఓమ ఇంట్లో ఉన్నప్పుడు అనుకోకుండా పలువురు దుండగులు వారి ఇంట్లోకి ప్రవేశించారు. ఆ క్రమంలో వారిద్దరిని బంధించి, ఇంట్లో ఉన్న పసిడిని దోచుకెళ్లారు. సమాచారం అందుకున్న పోలీసులు, వెంటనే ఘటనా స్థలానికి చేరుకున్నారు.

విచారణలో..

ప్రాథమిక విచారణలో దుండగులు ఉత్తరాది రాష్ట్రాల నుంచి వచ్చిన వారిగా అనుమానిస్తున్నారు. వారు హిందీలో మాట్లాడారని, ఎవరినో చంపడానికి వచ్చామని చెప్పినట్లు సమాచారం. ఈ విషయం తెలిసిన స్థానికులు మరింత భయాందోళన చెందుతున్నారు. డీఎస్పీ మహేష్, హిందూపురం సీఐ ఆంజనేయులు ఘటనా స్థలాన్ని పరిశీలించారు. భార్యభర్తలను ప్రశ్నించి, దోపిడీకి సంబంధించిన మరింత సమాచారం సేకరించారు. పోలీసులు, దోపిడీకి సంబంధించిన ఆధారాలను సేకరించడానికి స్థానిక సీసీ టీవీ ఫుటేజీని కూడా పరిశీలిస్తున్నారు.

పోలీసుల సూచన

ఈ దోపిడీ ఘటన గ్రామంలో భద్రతా వ్యవస్థపై ప్రశ్నలు రేకెత్తించింది. ప్రజలు తమ భద్రత గురించి ఆందోళన చెందుతున్నారు. గ్రామంలో ఈ తరహా దోపిడీలు జరగడం స్థానికుల్లో భయాన్ని కలిగిస్తోంది. పోలీసులు కేసు నమోదు చేసి దర్యాప్తు ప్రారంభించారు. వారు దుండగుల గుర్తింపు కోసం ప్రత్యేక బృందాలను ఏర్పాటు చేశారు. ఈ ఘటన నేపథ్యంలో ప్రజలు మరింత జాగ్రత్తగా ఉండాలని అధికారులు సూచించారు. కొత్త వ్యక్తులు లేదా ఎవరైనా అనుమానిత వ్యక్తులు కనిపించినా, ఏదైనా జరిగినా వెంటనే ఫిర్యాదు చేయాలని తెలిపారు.

ఇవీ చదవండి:

భారత్, ఇంగ్లాడ్ టెస్ట్‌ల మధ్య జస్ప్రీత్ బుమ్రాకు విశ్రాంతి..

జూన్ 30లోపు ముగియాల్సిన ఆర్థిక కార్యకలాపాలు ఇవే..

మరిన్ని ఏపీ, అంతర్జాతీయ వార్తల కోసం క్లిక్ చేయండి