తదుపరి చిత్రం రామ్‌చరణ్‌తోనే..
ABN , Publish Date - May 21 , 2025 | 12:16 AM
మలికిపురం, మే 20 (ఆంధ్రజ్యోతి): తన తదుపరి చిత్రం రామ్‌చరణ్‌తో ఉంటుందని ప్రముఖ సినీ దర్శకుడు బండ్రెడ్డి సుకుమార్‌ తెలిపారు. మంగళవారం డాక్టర్‌ బీఆర్‌ అంబేడ్కర్‌ కోనసీమ జిల్లా మలికిపురం మండలం మట్టపర్రు వచ్చిన ఆయన విలేకర్లతో ముచ్చటించారు. ఈ మధ్య సినిమాలకు గ్యా
ప్రముఖ సినీ దర్శకుడు సుకుమార్‌
మలికిపురం, మే 20 (ఆంధ్రజ్యోతి): తన తదుపరి చిత్రం రామ్‌చరణ్‌తో ఉంటుందని ప్రముఖ సినీ దర్శకుడు బండ్రెడ్డి సుకుమార్‌ తెలిపారు. మంగళవారం డాక్టర్‌ బీఆర్‌ అంబేడ్కర్‌ కోనసీమ జిల్లా మలికిపురం మండలం మట్టపర్రు వచ్చిన ఆయన విలేకర్లతో ముచ్చటించారు. ఈ మధ్య సినిమాలకు గ్యాప్‌ ఎక్కువ వచ్చిందని అడగ్గా నవ్వి ఊరుకున్నారు. పుష్ప- 2 చిత్రం ద్వారా జాతీయ స్థాయిలో తనకు మంచి గుర్తింపు వచ్చిందన్నారు. గ్రామీణ ప్రాంతాల్లో సినిమాలను థియేటర్లలో, టీవీల్లో వీక్షిస్తున్నారని, పట్టణాల్లో యాప్‌లతో మమేకమవుతున్నారని తెలిపారు. తాను మొదటిగా పేపర్‌ చూసేటప్పుడు స్పోర్ట్స్‌, సినిమాలు, తరువాత రాజకీయాలు చదువుతానన్నారు. రాజోలు ఎమ్మెల్యే దేవ వరప్రసాద్‌ సుకుమార్‌ను మర్యాద పూర్వకంగా కలిశారు.కాసేపు మాట్లాడారు.
