Anaya Bangar: స్టార్ క్రికెటర్లు నాకు అశ్లీల ఫొటోలు పంపారు.. అనయ సంచలన వ్యాఖ్యలు..

మాజీ ఇండియన్ క్రికెటర్, కోచ్ సంజయ్ బంగర్ కొడుకు ఆర్యన్ హార్మోనల్ రీప్లేస్‌మెంట్ థెరపీ, జెండర్ రీఫార్మింగ్ సర్జరీ ద్వారా అమ్మాయిగా మారిన సంగతి తెలిసిందే. జెండర్ మారిన తర్వాత అర్యన్ పేరు కాస్త అనయగా మారింది. అనయ సోషల్ మీడియాలో చాలా యాక్టీవ్‌గా ఉంటుంది. తనకు సంబంధించిన అన్ని విషయాలను సోషల్ మీడియా ద్వారా అభిమానులతో పంచుకుంటూ ఉంటుంది. జెండర్ మారటానికి ముందు తండ్రి బాటలోనే క్రీడా రంగంలోకి అడుగుపెట్టింది. కొన్ని సంవత్సరాల పాటు క్రికెట్ ఆడింది. సర్జరీ ద్వారా జెండర్ మార్చుకున్న తర్వాత క్రికెట్‌కు దూరం అయింది. ప్రస్తుతం ఆమె లండన్‌లో ఉంటోంది.

సర్జరీ తర్వాత క్రికెట్ ఆటలో కొనసాగడానికి చాలా ఇబ్బందులు వచ్చాయని, అందుకే ఆట వదిలేశానని ఆమె ఓ సందర్భంలో చెప్పుకొచ్చింది. తాజాగా, లల్లన్‌టాప్‌కు ఇచ్చిన ఇంటర్వ్యూలో కొంతమంది క్రికెటర్లపై సంచలన కామెంట్లు చేసింది. ఆ ఇంటర్వ్యూలో అనయ మాట్లాడుతూ.. ‘ నేను చాలా మంది ప్రముఖ క్రికెటర్లతో ఆట ఆడాను. ముషీర్ ఖాన్, సర్ఫరాజ్ ఖాన్, యశస్వి జైశ్వాల్ వంటి వాళ్లతో ఆడాను. క్రికెట్ ప్రపంచం మొత్తం అభద్రతా భావం, టాక్సిక్ మగాళ్లతో నిండి ఉంది. నేను సర్జరీ చేయించుకున్న తర్వాత కొంతమంది క్రికెటర్లు నన్ను సపోర్టు చేశారు.

మరి కొంతమంది ఎగతాళి చేశారు. కొంతమంది ప్రముఖ క్రికెటర్లు నాకు అసభ్య ఫొటోలు కూడా పంపారు. సర్జరీకి ముందు ఓ వ్యక్తి ఎప్పుడూ నన్ను బూతులు తిట్టే వాడు. సర్జరీ తర్వాత అదే వ్యక్తి నా దగ్గరకు వచ్చి కూర్చునే వాడు. నా ఫొటోలు కావాలని అడిగే వాడు. నేను ఇండియాలో ఉన్నపుడు ఓ మాజీ క్రికెటర్‌‌కు నా పరిస్థితి గురించి చెప్పాను. అతడు కూడా నాతో తప్పుగా మాట్లాడాడు’ అంటూ ఆవేదన వ్యక్తం చేసింది.

ఇవి కూడా చదవండి

నువ్వసలు టీచర్‌వేనా.. పిల్లాడితో అవేం పాడు పనులు..

Outdoor Shoes: ఇంట్లోకి షూ వేసుకెళుతున్నారా.. అయితే, మీ ప్రాణాలు రిస్క్‌లో పడ్డట్టే..