Car Registration Number: ఇండియాలోనే ఖరీదైన కారు నెంబర్.. ధర తెలిస్తే మతి పోతుంది..
ABN , Publish Date - Nov 26 , 2025 | 06:06 PM
ఓ వ్యక్తి కారు నెంబర్ ప్లేటు కోసం ఏకంగా 1.17 కోట్ల రూపాయలు ఖర్చు చేశాడు. HR88B8888 నెంబర్ ప్లేట్ కోసం ఇంత మొత్తం వెచ్చించాడు. హర్యానాలో బుధవారం ఈ సంఘటన చోటుచేసుకుంది.
కారు నెంబర్ ప్లేట్ కోసం ఓ వ్యక్తి ఏకంగా కోటి రూపాయలకుపైగా ఖర్చు చేశాడు. HR88B8888 నెంబర్ ప్లేట్ కోసం 1.17 కోట్ల రూపాయలు వెచ్చించాడు. ఈ సంఘటన హర్యానాలో బుధవారం చోటుచేసుకుంది. ఇందుకు సంబంధించిన పూర్తి వివరాల్లోకి వెళితే.. హర్యానా ప్రభుత్వం వీఐపీ, ఫ్యాన్సీ నెంబర్ ప్లేట్లకు సంబంధించి ఆన్లైన్ ద్వారా ప్రతీవారం వేలంపాటలు నిర్వహిస్తూ ఉంది. శుక్రవారం సాయంత్రం ఐదు గంటల నుంచి సోమవారం ఉదయం 9 గంటల వరకు ఈ వేలంపాట సాగుతుంది.
బిడ్డర్లు తమకిష్టమైన నెంబర్ను ఎంచుకోవచ్చు. ఆ నెంబర్ మీద ఎవరైతే ఎక్కువ మొత్తం బిడ్డింగ్ వేస్తారో వారికే ఆ నెంబర్ కేటాయిస్తారు. ప్రతీ బుధవారం సాయంత్రం 5 గంటలకు వేలంపాట ఫలితాలు వస్తాయి. ఈ రోజు (బుధవారం) సాయంత్రం 5 గంటలకు తాజాగా జరిగిన వేలంపాట ఫలితాలు వచ్చాయి. ఓ వ్యక్తి HR88B8888 అనే నెంబర్ మీద బిడ్డింగ్ వేశాడు. ఆ నెంబర్ కోసం ఏకంగా 1.17 కోట్ల రూపాయలు వెచ్చించాడు. అతడి దరిదాపుల్లోకి కూడా ఎవ్వరూ రాలేకపోయారు. ఆ నెంబర్ అతడి సొంతం అయింది.
ప్రభుత్వం ఆ నెంబర్ ప్లేట్ బేస్ బిడ్డింగ్ ధరను 50 వేల రూపాయలుగా నిర్ణయించింది. వేలంపాటలో నెంబర్ ప్లేట్ ధర 1.17 కోట్లకు చేరుకుంది. గత వారం HR22W2222 నెంబర్ ప్లేటును ఓ వ్యక్తి 37.91 లక్షలు పెట్టి కొన్నాడు. నెంబర్ ప్లేట్ల కోసం లక్షలు, కోట్లు ఖర్చు చేస్తున్న సంఘటనలు ఈ మధ్య కాలంలో దేశ వ్యాప్తంగా బాగా పెరిగిపోయాయి. కేరళకు చెందిన ఓ వ్యక్తి గత సంవత్సరం KL 07 DG 0007 నెంబర్ ప్లేట్ కోసం ఏకంగా 46 లక్షలు ఖర్చు చేశాడు. ఈ నెంబర్ జేమ్స్ బాండ్ కోడ్ను పోలి ఉండటం గమనార్హం.
ఇవి కూడా చదవండి
కాలుష్యం ఎంత పని చేసింది.. బిడ్డ కోసం వెక్కివెక్కి ఏడుస్తున్న తల్లి..
కూతురికి జన్మనిచ్చిన ముస్కాన్.. మొదలైన వివాదం..
