Beauty Tips: టమోటాను ముఖంపై ఇలా వాడితే గ్లోయింగ్ స్కిన్ మీ సొంతం..

టమోటా అంటే సూపర్ ఫుడ్ అని అందరికీ తెలిసిందే. ఇది మీ పేగు ఆరోగ్యానికి మాత్రమే కాదు, మీ చర్మానికి కూడా అద్భుతాలు చేస్తుంది. ఎక్కువ డబ్బు ఖర్చు చేయకుండా చాలా సులభంగా అందంగా, ఆకర్షణీయంగా కనిపించాలనుకునే వారికి టమోటా ఒక గొప్ప ఎంపిక. టమాటో ముఖ కాంతిని పెంచడంతో పాటు, అనేక చర్మ సమస్యలను నయం చేసే సామర్థ్యాన్ని కలిగి ఉంటుంది. ఇందులో విటమిన్లు ఎ, సి, కె పుష్కలంగా ఉంటాయి. ఈ విటమిన్లు చర్మానికి చాలా మేలు చేస్తాయి.

టమోటాలు పుల్లని రుచిని కలిగి ఉంటాయి. మీ చర్మ రంధ్రాలను తెరవడంలో, మొటిమలకు చికిత్స చేయడంలో సహాయపడతాయి. ఆరోగ్యకరమైన చర్మ కణాలను కలుషితం చేసే ఫ్రీ రాడికల్స్‌ను తొలగించడానికి కూడా టమోటాను ఉపయోగించవచ్చు. చాలా మంది తమ బిజీ జీవనశైలి కారణంగా చర్మ సంరక్షణపై శ్రద్ధ చూపరు. అలాంటి వారికి ఇంట్లోనే టమోటా ఫేస్ ప్యాక్ తయారు చేసుకోవడం చాలా సులభం. ముఖం మీద నల్లటి మచ్చలు, పిగ్మెంటేషన్, ముడతలు, అదనపు నూనెను తొలగించడానికి ఇది మంచి పరిష్కారం. చర్మాన్ని యవ్వనంగా ఉంచడంలో కూడా టమోటా ప్రభావవంతంగా ఉంటుంది.

చర్మ సంరక్షణ కోసం టమోటా చిట్కాలు

• ముందుగా తాజా టమోటాను సగానికి కట్ చేసి, ఆపై మీ చర్మంపై తేలికగా మసాజ్ చేయండి. 15 నుండి 20 నిమిషాల తర్వాత కడిగేయండి. ఇలా చేయడం వల్ల చర్మంపై పిగ్మెంటేషన్ తొలగించడంలో సహాయపడుతుంది.

• ఒక టమోటా తీసుకొని బాగా గుజ్జు చేసి, దానికి ఒక టేబుల్ స్పూన్ పెరుగు కలపండి. బాగా కలిపి మీ ముఖం మీద అప్లై చేయండి. 15 నిమిషాల తర్వాత గోరువెచ్చని నీటితో శుభ్రం చేసుకోండి. మొటిమలను నివారించడానికి ఇది ఒక అద్భుతమైన మాస్క్.

• 2 నుండి 3 చెంచాల టమోటా జ్యూస్ తీసుకొని అందులో 1 చెంచా నిమ్మరసం వేసి కలపాలి. ఇప్పుడు ఈ మిశ్రమాన్ని చర్మంపై అప్లై చేసి 10 నుండి 15 నిమిషాల తర్వాత కడిగేయండి. ఇది చర్మంపై నల్లటి మచ్చలు, పిగ్మెంటేషన్‌ను తొలగించి చర్మాన్ని మెరిసేలా చేయడంలో సహాయపడుతుంది.

• టమోటాను గ్రైండ్ చేసి మెత్తగా పేస్ట్ చేయండి. దానికి అర టీస్పూన్ పసుపు పొడి వేసి కలపాలి. ఈ మిశ్రమాన్ని మీ ముఖానికి అప్లై చేసి 15 నిమిషాల తర్వాత శుభ్రం చేసుకోండి. ఇది సూర్యకాంతి వల్ల కలిగే చర్మ నష్టాన్ని సరిచేయడానికి కూడా సహాయపడుతుంది.

• టమోటాను సగానికి కోసి దానిపై కొంచెం చక్కెర చల్లుకోవాలి. మీరు దీన్ని ఉపయోగించి మీ ముఖం, మెడను మూడు నిమిషాల వరకు సున్నితంగా మసాజ్ చేయవచ్చు. తర్వాత చల్లటి నీటితో కడగాలి. ఇది చర్మాన్ని మృత కణాలను తొలగించి మృదువుగా చేయడానికి ఉత్తమం. ఇలా చేయడం వల్ల ముఖం కాంతిని పెంచడంలో కూడా ప్రభావవంతంగా ఉంటుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

Tan Removal Tips: రోజూ ఈ లోషన్ వాడితే ట్యానింగ్ సమస్య ఎప్పుడూ రాదు..

Beauty Tips: మెరిసే చర్మాన్ని పొందడానికి ఈ జెల్‌ను ఇలా అప్లై చేయండి..