Chanakyaniti: జీవితంలో ఈ 3 విషయాలను ఎట్టిపరిస్థితిలోనూ తక్కువ అంచనా వేయకండి..

చాణక్య నీతి: ఆచార్య చాణక్యుడు తన అనుభవాల ఆధారంగా జీవితానికి సంబంధించిన అనేక విషయాలను వెల్లడించాడు. వీటిని పాటించడం ద్వారా ఏ వ్యక్తి అయినా సంతోషమైన జీవితాన్ని గడపవచ్చు. జీవితంలో మూడు విషయాలను ఎప్పుడూ తేలికగా తీసుకోకూడదని చాణక్యుడు చెప్పాడు. ఈ మూడింటినీ సకాలంలో పరిష్కరించకపోతే, అవి పెద్ద సమస్యలుగా మారతాయని హెచ్చరించాడు. అయితే, చాణక్యుడు చెప్పిన ఆ మూడు విషయాలు ఏంటి? ఎందుకు వాటిని జీవితంలో తక్కువ అంచనా వేయకూడదో ఇప్పుడు తెలుసుకుందాం..

1. అప్పు (రుణం)

చాణక్యుడి ప్రకారం, అప్పు చిన్నదే అయినప్పటికీ దానిని సకాలంలో తిరిగి చెల్లించకపోతే అది భారంగా మారుతుంది. ఇది ఒక వ్యక్తిని మనశాంతి లేకుండా చేస్తుంది. చాలా సార్లు ప్రజలు అప్పు చిన్నదే కదా ఎప్పుడైనా చెల్లించవచ్చు అని అనుకుంటారు. కానీ ఈ ఆలోచన భవిష్యత్తులో పెద్ద సమస్యలకు కారణం అవుతుంది. అందుకే చాణక్యుడు.. అప్పు చిన్నదైనా, పెద్దదైనా, దానిని వెంటనే తిరిగి చెల్లించడానికి ప్రయత్నాలు చేయాలని సూచించాడు.

2. బాధ్యత

ప్రతి వ్యక్తికి జీవితంలో కొన్ని బాధ్యతలు ఉంటాయి. కుటుంబం పట్ల, సమాజం పట్ల, దేశం పట్ల. తన విధులను విస్మరించే వ్యక్తి జీవితంలో గౌరవాన్ని లేదా అంతర్గత సంతృప్తిని పొందలేడని చాణక్యుడు చెప్పాడు. చిన్న చిన్న పనులను వాయిదా వేయడం ద్వారా ఒక వ్యక్తి తన లక్ష్యాన్ని మరచిపోతాడు. కాబట్టి, సమయానికి తన కర్తవ్యాన్ని నిర్వర్తించడం చాలా ముఖ్యం.

3. వ్యాధి

చాణక్యుడి ప్రకారం ఏదైనా వ్యాధి చిన్నదైనా సరే సకాలంలో చికిత్స చేయకపోతే తీవ్రమైన రూపాన్ని సంతరించుకుంటుంది. చాలా మంది సాధారణ జలుబు, దగ్గు లేదా శరీర నొప్పిని విస్మరిస్తారు. తరువాత ఇది పెద్ద అనారోగ్యానికి కారణమవుతుంది. కాబట్టి, శరీరంలో ఏదైనా అసాధారణ మార్పును తేలికగా తీసుకోకూడదు. వెంటనే వైద్యుడిని సంప్రదించాలి.

చాణక్య నీతి మనకు జీవితంలో సమతుల్యతను, జాగ్రత్తను బోధిస్తుంది. అప్పు, విధి, అనారోగ్యం.. ఈ మూడింటినీ ఎప్పుడూ నిర్లక్ష్యం చేయకూడదు. సరైన సమయంలో వాటిని నిర్వర్తించాలి. అప్పుడే ఆ వ్యక్తి మానసికంగా ప్రశాంతంగా ఉండటమే కాకుండా జీవితంలో కూడా పురోగతి సాధిస్తాడు. కాబట్టి, ఈ మూడు విషయాలను ఎప్పుడూ తక్కువ అంచనా వేయకండి.

Also Read:

Pahalgam Attack: ఆ దాడిలో పాక్ హస్తముంది.. భారత్ వెల్లడి..

Human Rights Demad: కాల్పులు నిలపివేయండి

DGCA: పాక్‌ గగనతలంలోకి నో ఎంట్రీ.. డీజీసీఏ కీలక సూచన