Bank Jobs 2025: సిబిల్ స్కోర్ ఉందా?.. నెలకు రూ.85 వేల వరకు జీతం..
ABN , Publish Date - Jul 18 , 2025 | 04:44 PM
బ్యాంకుల్లో ఉద్యోగాల కోసం ఎదురుచూస్తున్న యువతకు మంచి అవకాశం వచ్చింది. ఇటీవల బ్యాంక్ ఆఫ్ బరోడా (BoB) 2,500 లోకల్ బ్యాంక్ ఆఫీసర్ (LBO) పోస్టుల భర్తీకి భారీ నోటిఫికేషన్ విడుదల చేసింది. మంచి వేతనం ఉన్న ఈ పోస్టులకు మీరు అప్లై చేశారా?. ఈ ఉద్యోగానికి అప్లై చేయాలంటే ఎలాంటి అర్హతలు ఉండాలో ఇక్కడ తెలుసుకుందాం.
ఇంటర్నెట్ డెస్క్: డిగ్రీ పూర్తి చేసి మంచి సిబిల్ స్కోర్ ఉందా?. అయితే మీకు మంచి ఛాన్సుంది. ఎందుకంటే బ్యాంక్ ఆఫ్ బరోడా (BoB) 2,500 లోకల్ బ్యాంక్ ఆఫీసర్ (LBO) పోస్టుల భర్తీకి నోటిఫికేషన్ విడుదల చేసింది. ఈ ఉద్యోగాలకు గ్రాడ్యుయేషన్ పూర్తి చేసిన అభ్యర్థులు అప్లై చేసుకోవచ్చు. దరఖాస్తు ప్రక్రియ ఇప్పటికే మొదలు కాగా.. ఆగస్టు 3 వరకు అప్లై చేసుకునే ఛాన్సుంది. ఈ పోస్టులకు అప్లై చేయాలంటే ఎలాంటి అర్హతలు ఉండాలి, ఎంపిక ప్రక్రియ ఎలా ఉంటుందనే తదితర పూర్తి వివరాలను ఇక్కడ తెలుసుకుందాం.
ముఖ్యమైన సమాచారం
పోస్టు పేరు: లోకల్ బ్యాంక్ ఆఫీసర్ (LBO) జూనియర్ మేనేజ్‌మెంట్ గ్రేడ్ స్కేల్-I (JMG/S-I)
మొత్తం ఖాళీలు: 2,500
నోటిఫికేషన్ తేదీ: జులై 3, 2025
దరఖాస్తు తేదీలు: జులై 4, 2025 నుంచి ఆగస్టు 3, 2025 (రాత్రి 11:59 గంటల వరకు)
అధికారిక వెబ్‌సైట్: www.bankofbaroda.in
అర్హతలు
ఈ ఉద్యోగాలకు అప్లై చేయడానికి అభ్యర్థులు గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి ఏదైనా విభాగంలో డిగ్రీ పూర్తి చేసి ఉండాలి. షెడ్యూల్డ్ కమర్షియల్ బ్యాంక్ లేదా రీజనల్ రూరల్ బ్యాంక్‌లో కనీసం ఒక సంవత్సరం అనుభవం అవసరం. (NBFCs, కో ఆపరేటివ్ బ్యాంకులు, పేమెంట్ బ్యాంకులు, స్మాల్ ఫైనాన్స్ బ్యాంకులు లేదా ఫిన్‌టెక్ కంపెనీలలో అనుభవం ఈ రిక్రూట్‌మెంట్‌కు అర్హత కాదు)
వయస్సు
జులై 1, 2025 నాటికి 21 నుంచి 30 సంవత్సరాల మధ్య వయస్సు ఉండాలి. ప్రభుత్వ నిబంధనల ప్రకారం వయస్సు సడలింపు ఉంటుంది. దీంతోపాటు అభ్యర్థుల సిబిల్ స్కోర్ కూడా 680 లేదా అంతకంటే ఎక్కువ ఉండాలి. తక్కువ స్కోర్ ఉంటే మాత్రం తర్వాత రిజెక్ట్ చేసే ఛాన్సుంది.
దరఖాస్తు రుసుము
జనరల్, OBC, EWS అభ్యర్థులకు రూ. 850 (GSTతో సహా) + పేమెంట్ గేట్‌వే ఛార్జీలు. SC, ST, PwBD, ESM, మహిళలకు రూ. 175 (GSTతో సహా) + పేమెంట్ గేట్‌వే ఛార్జీలు.
ఎంపిక ప్రక్రియ
ఆన్‌లైన్ టెస్ట్, లాంగ్వేజ్ ప్రొఫిషియన్సీ టెస్ట్ (LPT), సైకోమెట్రిక్ టెస్ట్, గ్రూప్ డిస్కషన్, ఇంటర్వ్యూ ఆధారంగా అభ్యర్థులను ఎంపిక చేస్తారు. ఈ పోస్టులకు ఎంపికైన వారికి ప్రారంభ జీతం నెలకు రూ.48,480 నుంచి రూ.85,920 వరకు (అలవెన్సులు, ఇతర ప్రయోజనాలతో సహా).
దరఖాస్తు విధానం
బ్యాంక్ ఆఫ్ బరోడా అధికారిక వెబ్‌సైట్ www.bankofbaroda.in ని ఓపెన్ చేయండి
కెరీర్స్ విభాగంలో లోకల్ బ్యాంక్ ఆఫీసర్ రిక్రూట్‌మెంట్ 2025 నోటిఫికేషన్‌పై క్లిక్ చేయండి
ఆన్‌లైన్ దరఖాస్తు ఫారమ్‌ను పూర్తి చేసి, అవసరమైన పత్రాలను అప్‌లోడ్ చేయండి
దరఖాస్తు రుసుమును ఆన్‌లైన్‌లో చెల్లించండి
దరఖాస్తును సమర్పించిన తర్వాత, భవిష్యత్ ఉపయోగం కోసం రిజిస్ట్రేషన్ నంబర్‌ను సేవ్ చేసుకోండి.
ప్రొబేషన్ వ్యవధి: 12 నెలలు.
ఉద్యోగ స్థానం: దరఖాస్తు చేసిన రాష్ట్రంలోనే ఉద్యోగం. స్థానిక భాషలో నైపుణ్యం తప్పనిసరి.
ఇవి కూడా చదవండి
యూట్యూబ్‌లో ఆ వీడియోలపై ఆదాయం రద్దు.. కొత్త రూల్స్
ఎయిర్ పోర్టులో 10వ తరగతితో ఉద్యోగాలు..లాస్ట్ డేట్ ఎప్పుడంటే
మరిన్ని జాతీయ, తెలుగు వార్తల కోసం క్లిక్ చేయండి
