Trains Schedule: రైళ్ల పాక్షిక రద్దు... గమ్యాల కుదింపు

విశాఖపట్నం, జూలై 16 (ఆంధ్రజ్యోతి): కేకే లైనులో సాంకేతిక కారణాల వల్ల రైళ్ల రాకపోకలకు అంతరాయం ఏర్పడడంతో కిరండూల్ రైళ్లతోపాటు హిరాకుడ్, సమలేశ్వర్, ఇంటర్సిటీ ఎక్స్ప్రెస్ రైళ్లను (Trains) పాక్షికంగా రద్దు చేయడంతోపాటు కొరాపుట్ వరకే నడిపిస్తున్నామని సీనియర్ డీసీఎం కె. సందీప్ తెలిపారు. విశాఖ-కిరండూల్ రాత్రి ఎక్స్ ప్రెస్ (18515) ఈ నెల 18 వరకు విశాఖలో బయలుదేరి కొరాపుట్ వరకు నడుస్తుంది. తిరుగు ప్రయాణంలో కిరండూల్- విశాఖ ఎక్స్ప్రెస్ ఈ నెల 17 నుంచి 19 వరకు కొరాపుట్లో బయలుదేరి విశాఖ చేరుతుంది. కొరాపుట్-కిరండూల్ (Koraput-Jagdalpur-Kirandul railway) మధ్య రాకపోకలు రద్దు చేశారు.

17, 18 తేదీల్లో...

అలాగే విశాఖ-కిరండూల్ పాసింజర్ (58501) ఈ నెల 17, 18 తేదీల్లో విశాఖలో బయలుదేరి కొరాపుట్ వరకు, తిరుగు ప్రయాణంలో ఇదే తేదీల్లో పాసింజర్ (58502) రైలు కొరాపుట్లో బయలుదేరి విశాఖ చేరుతుంది. హౌరా-జ గదల్పూర్ సమలేశ్వర్ ఎక్స్ ప్రెస్ (18005) ఈ నెల 17న హౌరాలో బయలుదేరి కొరాపుట్ వరకు నడుస్తుంది. తిరుగు ప్రయాణంలో ఇదే ఎక్స్ప్రెప్రెస్ (18006) ఈ నెల 18, 19లలో కొరాపుట్లో బయలుదేరి హౌరా చేరుతుంది. కొరాపుట్-జగదల్ పూర్ మధ్య రాకపోకలను రద్దు చేశారు.

రౌర్కెలా-జగదల్పూర్ ఇంటర్ సిటీ ఎక్స్ ప్రెస్ (18107) ఈ నెల 17న రౌర్కెలాలో బయలుదేరి కొరాపుట్ వరకు, తిరుగు ప్రయాణంలోని ఇంటర్సిటీ (18108) ఈ నెల 17, 18లలో కొరాపుట్లో బయలుదేరి రౌర్కెలా చేరుతుంది. ఈ సర్వీసులకు కొరాపుట్- జగదల్పూర్ మధ్య రాకపోకలు రద్దు చేశారు. భువనేశ్వర్-జగదల్పూర్ హిరాకుడ్ ఎక్స్ ప్రెస్ (18447) ఈ నెల 17న భువనేశ్వర్ బయలుదేరి కొరాపుట్ వరకు, తిరుగు ప్రయాణంలో ఇదే ఎక్స్ప్రెస్ (18448) ఈ నెల 17, 18లలో కొరాపుట్ నుంచి బయలుదేరి భువనేశ్వర్ చేరుతుంది. ఈ సర్వీసులకు కొరాపుట్ జగదల్పూర్ మధ్య రాకపోకలు రద్దు చేసినట్లు డీసీఎం పేర్కొన్నారు.

ఈ వార్తలు కూడా చదవండి.

తగ్గిన బంగారం ధరలు.. ఈ రోజు బంగారం, వెండి ధరలు ఎలా ఉన్నాయంటే..

తాటి చెట్టే లేదు.. లక్షల లీటర్ల కల్లా..