దేశ సంస్కృతికి పాటుపడిన వ్యక్తి బళ్లారి రాఘవ

డీఆర్వో వెంకటనారాయణమ్మ

కర్నూలు కలెక్టరేట్‌, ఆగస్టు 2 (ఆంధ్రజ్యోతి): బళ్లారి రాఘవ దేశ సంస్కృతికి పాటుబడిన వ్యక్తి అని జిల్లా రెవెన్యూ అధికారి(డీఆర్వో) సి.వెంకటనారాయణమ్మ కొనియాడారు. శనివారం కలెక్టరేట్‌ కాన్ఫరెన్స్‌ హాల్లో బళ్లారి రాఘవ జయంతిని టూరిజం, ఐసీడీఎస్‌ పీడీ ఆధ్వర్యంలో ఘనంగా నిర్వహించారు. ఈ సందర్భంగా డీఆర్వో మాట్లాడుతూ తెలుగు నాటక రంగానికి విశేషమైన కృషి చేసిన కళాకారుడిగా దేశ విదేశాల్లో పేరు గడిచారని తెలియాజేశారు. బళ్లారి రాఘవ న్యాయవాదిగా ఉన్న సమయంలో పేదలను ఆదుకునేవారని తెలిపారు. అనంతరం టూరిజం, ఐసీడీఎస్‌ పీడీ పీ.విజయ మాట్లాడుతూ బళ్లారి రాఘవ కర్నూలుకు చెందిన కృష్ణమ్మను వివాహం చేసుకున్నారని, బ్రిటీష్‌ ప్రభుత్వం ఆయనను పబ్లిక్‌ ప్రాసిక్యూటర్‌గా నియమించింది. రావుబహదూర్‌ అన్న బిరుదు కూడా ఇచ్చి సత్కరించిందని తెలిపారు. సమావేశానికి డిస్ర్టిక్ట్‌ చైల్డ్‌ ప్రొటెక్షన్‌ ఆర్గనైజర్‌ శారద తదితరులు పాల్గొన్నారు.