Preity zinta hugs Vaibhav: వైభవ్ సూర్యవంశీకి హగ్.. ప్రీతి జింటా స్పందన ఏంటంటే

బాలీవుడ్ హీరోయిన్, పంజాబ్ కింగ్స్ సహ యజమాని అయిన ప్రీతి జింటా (Preity zinta)కు సంబంధించిన ఫొటో ఒకటి ప్రస్తుతం సోషల్ మీడియాలో వైరల్ అవుతోంది. ఆ ఫొటోలో ప్రీతి జింటా రాజస్తాన్ రాయల్స్ యువ ఆటగాడు వైభవ్ సూర్యవంశీ (Vaibhav suryavanshi)ని హగ్ చేసుకున్నట్టు ఉంది. అది నిజమైన ఫొటోనే అని అందరూ భావించారు. ఓ గుజరాతీ పత్రికలో కూడా ఆ వార్త ప్రచురితమైంది. ఆ వార్త ప్రీతి జింటా దృష్టికి వెళ్లింది. దీంతో ఆమె ఆ ఫొటోపై క్లారిటీ ఇచ్చింది (Preity zinta hugging Vaibhav suryavanshi).

ఈ నెల 18వ తేదీన పంజాబ్ కింగ్స్, రాజస్తాన్ రాయల్స్ జట్లు తలపడ్డాయి. ఆ మ్యాచ్ అనంతరం మైదానంలోకి వచ్చిన ప్రీతి జింటా రాజస్తాన్ రాయల్స్ ఆటగాళ్లతో మాట్లాడింది. ఆ సమయంలో పంజాబ్ ఆటగాడు శశాంక్ సింగ్ ప్రీతిని తీసుకెళ్లి వైభవ్‌కు పరిచయం చేశాడు. ఆ సమయంలో ప్రీతికి వైభవ్ షేక్‌హ్యాండ్ ఇచ్చాడు. వైభవ్‌కు శుభాకాంక్షలు చెప్పిన ప్రీతి ముందుకు వెళ్లిపోయింది. ఆ వీడియోను రాజస్తాన్ రాయల్స్ జట్టు తమ ఇన్‌స్టాగ్రామ్ ఖాతాలో షేర్ చేసింది.

ఆ వీడియోలో ఎక్కడా వైభవ్‌ను ప్రీతి హగ్ చేసుకున్నట్టు కనిపించలేదు. అయితే ఎవరో ఆ వీడియో ఆధారంగా ఆర్టిఫీషియల్ టెక్నాలజీ ఉపయోగించి ఓ మార్ఫింగ్ ఫొటోను రూపొందించారు. వైభవ్ సూర్యవంశీని ప్రీతి హగ్ చేసుకున్నట్టు తయారు చేసి దానిని సోషల్ మీడియాలో షేర్ చేశారు. అది ఫొటో ఫేక్ అని తెలియక ఓ గుజరాతీ పత్రిక ప్రచురించండంతో అది వైరల్‌గా మారింది. అది మార్ఫింగ్ చేసిన ఫేక్ ఫొటో అని ప్రీతి స్పష్టం చేసింది.

మరిన్ని క్రీడా వార్తలు కోసం క్లిక్ చేయండి..