TANA Donates 2 Lakhs: కృష్ణా జిల్లాలో బోర్వెల్, వాటర్ పంప్ కోసం తానా రూ. 2 లక్షలు విరాళం
ABN , Publish Date - Nov 23 , 2025 | 07:33 PM
గ్రామీణ ప్రాంతాల్లో తాగునీటి సమస్యను పరిష్కరించేందుకు ఉత్తర అమెరికా తెలుగు సంఘం (తానా) శోభనాద్రిపురం గ్రామంలో కొత్త బోర్వెల్, వాటర్ లిఫ్టింగ్ పంప్ సౌకర్యాన్ని ఏర్పాటుచేసింది.
గ్రామీణ ప్రాంతాల్లో తాగునీటి సమస్యను పరిష్కరించేందుకు ఉత్తర అమెరికా తెలుగు సంఘం (తానా) శోభనాద్రిపురం గ్రామంలో కొత్త బోర్వెల్, వాటర్ లిఫ్టింగ్ పంప్ సౌకర్యాన్ని ఏర్పాటుచేసింది. రూ. 2 లక్షల విలువైన ఈ ప్రాజెక్ట్ ద్వారా సుమారు 300 ఇళ్లకు శాశ్వత తాగునీటి సౌకర్యం లభించనుంది. తానా అధ్యక్షుడు నరేన్ కొడాలి, ఎగ్జిక్యూటివ్ వైస్ ప్రెసిడెంట్ శ్రీనివాస్ లావు, ట్రెజరర్ రాజా కసుకుర్తి నాయకత్వంలో ఈ సేవా కార్యక్రమం అమలైంది. గ్రామ ప్రజలకు శుద్ధమైన నీటి సౌకర్యం అందించాలనే లక్ష్యంతో తానా ట్రెజరర్ రాజా కసుకుర్తి వ్యక్తిగతంగా రూ. 2 లక్షలు విరాళంగా అందించారు.
కొత్తగా ఏర్పాటు చేసిన బోర్వెల్, పంపింగ్ సిస్టమ్ను గన్నవరం ఎమ్మెల్యే యార్లగడ్డ వెంకటరావు ప్రారంభించారు. గ్రామ ప్రజలు పెద్ద సంఖ్యలో హాజరై ఈ సదుపాయానికి కృతజ్ఞతలు తెలిపారు. ఇంతకుముందు రోజూ 3 మైళ్ళ దూరం నడిచి నీళ్లు తెచ్చుకునే పరిస్థితి ఇప్పుడు తొలగిపోయింది అని వారు తెలిపారు. తాగునీటి కోసం ఎన్నో ఇబ్బందులు పడిన గ్రామస్తులు, ఈ కీలక అవసరాన్ని తీర్చినందుకు తానాకు కృతజ్ఞతలు తెలిపారు. ఈ సదుపాయం గ్రామంలోని ఆరోగ్య పరిస్థితులను, శుభ్రతను, దైనందిన జీవితాన్ని గణనీయంగా మెరుగుపరుస్తుందని వారు అభిప్రాయపడ్డారు.
తానా అధ్యక్షుడు నరేన్ కొడలి, ఎగ్జిక్యూటివ్ వైస్ ప్రెసిడెంట్ శ్రీనివాస్ లావు, ట్రెజరర్ రాజా కసుకుర్తి గ్రామీణ పేద కుటుంబాల జీవనోపాధిని మెరుగుపరచే కార్యక్రమాలకు తానా ఎల్లప్పుడు ముందుంటుందని తెలిపారు. ఆంధ్రప్రదేశ్లోని వెనుకబడిన గ్రామాలకు అవసరమైన సేవలను అందించే కార్యక్రమాలను తానా కొనసాగిస్తుందని వారు అన్నారు.
ఇవి కూడా చదవండి
శీతాకాలం.. గర్భిణీ స్త్రీలు తీసుకోవాల్సిన జాగ్రత్తలు ఇవే.!
ఐర్లాండ్ వాసులకు నిద్రలేకుండా చేసిన సింహం.. తీరా అసలు విషయం తెలిసి..
