Money Saving Tips: 210 రూపాయలతో 5000 హామీ.! ఈ ప్రభుత్వ స్కీం గురించి మీకు తెలుసా?

ఇంటర్నెట్ డెస్క్‌: వృద్ధాప్యంలో నెల నెలా క్రమంగా ఆదాయం రావాలని అనుకునే వారి కోసం అటల్ పెన్షన్ స్కీమ్ (Atal Pension Yojana) ఒక మంచి అవకాశంగా నిలుస్తోంది. కేంద్ర ప్రభుత్వం ప్రారంభించిన ఈ పథకం ద్వారా మీరు పదవీ విరమణ తర్వాత ప్రతి నెలా రూ. 1,000 నుంచి 5,000 వరకు పెన్షన్ పొందవచ్చు.

చిన్న పెట్టుబడి – పెద్ద భద్రత

మీరు 18 నుంచి 40 సంవత్సరాల మధ్య వయస్సులో ఉంటే ఈ పథకంలో చేరవచ్చు. ఉదాహరణకు, మీరు 18 ఏళ్ల వయసులో నెలకు రూ.210 చెల్లిస్తే, 60 ఏళ్ల తర్వాత మీరు నెలకు రూ. 5,000 పెన్షన్ పొందవచ్చు. అయితే, కనీసం 20 ఏళ్ల పాటు నెలకు రూ. 210 చెల్లించాల్సి ఉంటుంది.

అర్హతలు

• భారతీయ పౌరుడై ఉండాలి

• 18 నుంచి 40 ఏళ్ల మధ్య వయస్సు ఉండాలి

• ఆధార్ కార్డు, బ్యాంక్ ఖాతా (KYC) ఉండాలి

ఎలా దరఖాస్తు చేయాలి?

• మీ సమీప బ్యాంక్‌కు వెళ్లండి

• అటల్ పెన్షన్ యోజన ఫారమ్ తీసుకొని ఫిల్ చేయండి

• ఆధార్, బ్యాంక్ వివరాలు, వయస్సు వంటి సమాచారాన్ని ఇవ్వండి

• మీకు కావలసిన పెన్షన్ మొత్తాన్ని ఎంచుకోండి (1,000 నుంచి 5,000 వరకు)

• బ్యాంక్ దరఖాస్తు ధృవీకరిస్తే, మీ ఖాతా పథకానికి లింక్ అవుతుంది.

ఇతర ప్రయోజనాలు

• మీరు మరణించిన తరువాత మీ జీవిత భాగస్వామికి పెన్షన్ లభిస్తుంది

• ఇద్దరూ లేనిపక్షంలో మొత్తం డబ్బు నామినీకి అందుతుంది

• ఈ పథకం ముఖ్యంగా తక్కువ ఆదాయం కలిగినవారికి బాగా ఉపయోగపడుతుంది. మీరు కూడా ఈ అవకాశాన్ని సద్వినియోగం చేసుకొని భవిష్యత్‌కు ఆర్థిక భద్రత ఏర్పరచుకోవడం మంచిది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

స్టీల్ పాత్రలలో ఉప్పు నిల్వ చేస్తున్నారా? జాగ్రత్త.!

శ్రీలంక సువర్ణావకాశం.. వీసా లేకుండానే 40 దేశాలకు విహరించే ఛాన్స్.!

For More Lifestyle News