Infosys Jobs: ఫ్రెషర్లకు 20 వేల ఉద్యోగాలు: ఇన్ఫోసిస్

ఇంటర్నెట్ డెస్క్, జులై, 30 : భారతదేశ దిగ్గజ సాఫ్ట్‌వేర్ సంస్థ అయిన టాటా కన్సల్టెన్సీ సర్వీసెస్ (TCS) తాజాగా 12వేల మంది ఉద్యోగులను తొలగిస్తున్నట్టు చేసిన ప్రకటన, భారత ఐటీ రంగాన్ని కలవరపాటుకు గురిచేసింది. ఈ వార్త అటు, విద్యార్థుల్లో కూడా తీవ్ర ఆందోళన రేకెత్తించింది. కొనసాగుతున్న ఈ తరహా ఆందోళనల మధ్య హాయి గొలిపే వార్తను వెల్లడించింది భారత రెండవ దిగ్గజ ఐటీ సేవల సంస్థ ఇన్ఫోసిస్. సంస్థ చీఫ్ ఎగ్జిక్యూటివ్ ఆఫీసర్ (CEO) సలీల్ పరేఖ్ తాజాగా ఒక ప్రకటన విడుదల చేశారు. 2025-26 ఆర్థిక సంవత్సరంలో ఫ్రెషర్ల నియామకానికి ఇన్ఫోసిస్ కట్టుబడి ఉండాలని ప్రణాళికలు వేస్తున్నట్లు ప్రకటించారు. ఆర్టిఫిషియల్ ఇంటెలిజెన్స్ (AI)లో పెట్టుబడి పెట్టడం, ఉద్యోగులను తిరిగి నైపుణ్యం చేయడం ద్వారా ఇన్ఫోసిస్ ముందుకు సాగగలిగిందని పరేఖ్ చెప్పారు.

2025-26 ఆర్థిక సంవత్సరంలో 20,000 మంది ఫ్రెషర్లను నియమించుకోవాలనే లక్ష్యానికి ఇన్ఫోసిస్ కట్టుబడి ఉంటుందన్నారు. భవిష్యత్ మార్గదర్శకాల ప్రకారం దిగువ స్థాయి ఉద్యోగుల సంఖ్యని 0% నుండి 1%కి పెంచిందన్నారు. ఇన్ఫోసిస్ ఇప్పటికే 17,000 మందిని నియమించుకుందని.. ఈ సంవత్సరం మరో 20,000 మంది కళాశాల విద్యార్థులను బోర్డులోకి తీసుకురావాలని యోచిస్తోందని పరేఖ్ చెప్పారు. కంపెనీ రీస్కిల్లింగ్, AI పై దృష్టి పెట్టిందన్న ఆయన.. దీని కోసం వివిధ స్థాయిలలో 2.75 లక్షలకు పైగా ఉద్యోగులకు శిక్షణ ఇచ్చిందని పేర్కొన్నారు.

కొత్త ప్రాజెక్టులపై ఎక్కువ మంది

డిజిటల్ ఇంకా ఆర్టిఫిషియల్ ఇంటెలిజెన్స్‌లో కంపెనీ పెట్టుబడులు పెట్టడంతో పాటు, సామర్థ్యాన్ని పెంచడానికి ఉద్యోగులను రీస్కిల్లింగ్ చేయడంపై దృష్టి సారిస్తున్నామని పరేఖ్ తెలిపారు. ఈ విధానం ఐటీ మేజర్ అయిన ఇన్ఫోసిస్.. కొత్త ప్రాజెక్టులపై ఎక్కువ మందిని నియమించడానికి సహాయపడుతుందని ఇన్ఫోసిస్ CEO వెల్లడించారు.

ఇవి కూడా చదవండి..

అప్పటివరకూ పాక్‌కు సింధూ జలాలు ఇవ్వం.. తేల్చిచెప్పిన జైశంకర్

మీ ప్రవర్తన నమ్మశక్యంగా లేదు.. జస్టిస్ యశ్వంత్‌వర్మపై సుప్రీం వ్యాఖ్యలు

మరిన్ని జాతీయ, తెలుగు వార్తల కోసం క్లిక్ చేయండి