Gold Rates Dec 4: మరింత పెరిగిన పుత్తడి ధరలు.. రికార్డు స్థాయికి వెండి
ABN , Publish Date - Dec 04 , 2025 | 06:44 AM
అంతర్జాతీయ ఆర్థిక అనిశ్చితులు బంగారం, వెండిలకు డిమాండ్ను అంతకంతకూ పెంచుతున్నాయి. ఫెడ్ వడ్డీ రేట్ల కోతపై అంచనాలు కూడా పెరుగుతుండటం అగ్నికి ఆజ్యం పోసినట్టు అవుతోంది. ఈ నేపథ్యంలో దేశంలో ప్రస్తుతం బంగారం, వెండి ధరలు ఎలా ఉన్నాయంటే..
ఇంటర్నెట్ డెస్క్: దేశంలో పసిడి ధరలు మళ్లీ పెరిగాయి. మంగళవారం కాస్తంత తగ్గిన ధరలు మళ్లీ విజృంభించాయి. వెండి ధర కూడా రికార్డు స్థాయికి చేరింది. అమెరికా ఆర్థిక వ్యవస్థ నెమ్మదిస్తున్న వైనం, ఫెడరల్ రిజర్వ్ వడ్డీ రేటు కోతపై అంతకంతకూ పెరుగుతున్న ఆశలు గోల్డ్కు డిమాండ్ మరింతగా పెరిగేలా చేస్తున్నాయి. గుడ్ రిటర్న్స్ వెబ్సైట్ ప్రకారం, భారత్లో గురువారం ఉదయం (డిసెంబర్ 4) 6.30 గంటల సమయంలో 24 క్యారెట్ 10 గ్రాముల బంగారం ధర రూ. 1,30,590గా ఉంది. నిన్నటి రేట్తో పోలిస్తే ఇది రూ.720 అధికం. 22 క్యారెట్ 10 గ్రాముల గోల్డ్ రేట్ కూడా రూ. 650 మేర పెరిగి రూ.1,19,710కు చేరుకుంది. ఇక పారిశ్రామిక డిమాండ్ అధికంగా ఉండటంతో వెండి ధరలూ రికార్డు స్థాయిని తాకాయి. ప్రస్తుతం కిలో వెండి ధర రూ.1,91,100 వద్ద జీవితకాల గరిష్ఠానికి చేరింది (Gold, Silver Rates on Dec 4).
ఈ ఏడాదిలో ఇప్పటివరకూ బంగారం ధరలు 40 శాతం మేర పెరిగాయని పరిశీలకులు చెబుతున్నారు. వచ్చే ఏడాది కూడా గోల్డ్ రేట్స్లో జోరు కొనసాగుతుందని గోల్డ్మన్ శాక్స్ రీసెర్చ్ తాజా నివేదికలో తేలింది. కేంద్ర బ్యాంకులు భారీగా పసిడి కొనుగోళ్లకు దిగడం, నెమ్మదిస్తున్న అమెరికా ఆర్థిక వృద్ధి, బలహీనపడుతున్న డాలర్ వంటివి పుత్తడికి డిమాండ్ పెంచుతున్నాయి. ఇక అమెరికా ఫెడరల్ రిజర్వ్ చీఫ్గా కొత్త వ్యక్తిని ఎంపిక చేస్తామని అధ్యక్షుడు డొనాల్డ్ ట్రంప్ ప్రకటించడంతో వడ్డీ రేట్ కోతపై ఆశలు మరింత పెరిగాయి. ఫలితంగా బంగారం ధరలు మరింత ఎగబాకాయి. ఎలక్ట్రానిక్స్, పునరుత్పాదక ఇంధన రంగాల నుంచి డిమాండ్ విపరీతంగా ఉండటం, సరఫరాలో తగ్గుదల వెరసి వెండి ధర ఆల్ టైమ్ గరిష్ఠాన్ని తాకేలా చేశాయి. గతేడాదితో ధరలతో పోలిస్తే అంతర్జాతీయ మార్కెట్లో వెండి ధర ఇప్పటివరకూ సుమారు 101 శాతం మేర పెరిగింది.
వివిధ నగరాల్లో బంగారం ధరలు (24కే, 22కే, 18కే)
చెన్నై: ₹1,31,580; ₹1,20,610; ₹1,00,560
ముంబై: ₹1,30,590; ₹1,19,710; ₹97,950
న్యూఢిల్లీ: ₹1,30,740; ₹1,19,860; ₹98,100
కోల్కతా: ₹1,30,590; ₹1,19,710; ₹97,950
బెంగళూరు: ₹1,30,590; ₹1,19,710; ₹97,950
హైదరాబాద్: ₹1,30,590; ₹1,19,710; ₹97,950
విజయవాడ: ₹1,30,590; ₹1,19,710; ₹97,950
కేరళ: ₹1,30,590; ₹1,19,710; ₹97,950
పుణె: ₹1,30,590; ₹1,19,710; ₹97,950
వడోదరా: ₹1,30,640; ₹1,19,760; ₹98,000
అహ్మదాబాద్: ₹1,30,640; ₹1,19,760; ₹98,000
వెండి (కిలో) ధరలు ఇవీ
చెన్నై: ₹2,01,100
ముంబై: ₹1,91,100
న్యూఢిల్లీ: ₹1,91,100
కోల్కతా: ₹1,91,100
బెంగళూరు: ₹1,91,100
హైదరాబాద్: ₹2,01,100
విజయవాడ: ₹2,01,100
కేరళ: ₹2,01,100
పుణె: ₹1,91,100
వడోదరా: ₹1,91,100
అహ్మదాబాద్: ₹1,91,100
గమనిక: పైన పేర్కొన్న బంగారం, వెండి రేట్లు ఎప్పటికప్పుడు మారుతుంటాయి. వార్త రాస్తున్న సమయానికి ధరల వివరాలు పైన తెలిపిన విధంగా ఉన్నాయి. కాబట్టి బంగారం కొనుగోలు చేసే ముందు.. ధరలను మళ్లీ ఒకసారి పరిశీలించుకోగలరు.
ఇవీ చదవండి:
రూపాయి గాయానికి ఆర్బీఐ మందేమిటో..
జనరిక్ సెమాగ్లుటైడ్ తయారీకి డాక్టర్ రెడ్డీస్కు గ్రీన్ సిగ్నల్
మరిన్ని బిజినెస్, అంతర్జాతీయ వార్తల కోసం క్లిక్ చేయండి
