Adani Ports: ఇజ్రాయెల్-ఇరాన్ ఉద్రిక్తతలు.. హైఫా పోర్టుకు ఎలాంటి నష్టమూ జరగలేదన్న అదానీ గ్రూప్
ABN , Publish Date - Jun 16 , 2025 | 07:18 AM
ఇజ్రాయెల్-ఇరాన్ మధ్య ఉద్రిక్తతలు తీవ్ర రూపం దాల్చుతున్నాయి. ఇరు దేశాలు క్షిపణులతో పరస్పరం దాడులు చేసుకుంటున్నాయి. ఈ వారం ఆరంభంలో ఇరాన్‌లోని సైనిక స్థావరాలపై ఇజ్రాయెల్ దాడులకు పాల్పడింది. అందుకు ప్రతిగా ఇరాన్ కూడా ఇజ్రాయెల్‌పై దాడులకు దిగింది.
ఇజ్రాయెల్ (Israel) ఇరాన్ (Iran) మధ్య ఉద్రిక్తతలు తీవ్ర రూపం దాల్చుతున్నాయి. ఇరు దేశాలు క్షిపణులతో పరస్పరం దాడులు చేసుకుంటున్నాయి. ఈ వారం ఆరంభంలో ఇరాన్‌లోని సైనిక స్థావరాలపై ఇజ్రాయెల్ దాడులకు పాల్పడింది. అందుకు ప్రతిగా ఇరాన్ కూడా ఇజ్రాయెల్‌పై దాడులకు దిగింది. ఈ క్రమంలో ఇజ్రాయెల్‌లోని హైఫా పోర్టుకు (Haifa port) తీవ్ర నష్టం వాటిల్లిందని వార్తలు వచ్చాయి. ఈ పోర్టు కార్యకలపాలను మన దేశానికి చెందిన అదానీ గ్రూపు (Adani Group) నిర్వహిస్తోంది.
ఇరాన్ నుంచి వచ్చిన కొన్ని బలిస్టిక్ క్షిపణులు, హైఫా ఓడరేవులోని కెమికల్ టెర్మినల్‌, శుద్ధి కర్మాగారంపై పడినట్టు వార్తలు వచ్చాయి (Ballistic missile attack). ఈ దాడిలో హైఫా ఓడరేవు తీవ్రంగా దెబ్బతిన్నట్టు ఆదివారం వార్తలు వచ్చాయి. అయితే ఆ వార్తలను అదానీ గ్రూపు సీఎఫ్‌ఓ ఖండించారు. ఇరాన్ బాలిస్టిక్ క్షిపణి దాడి హైఫా ఓడరేవు కార్యకలాపాలకు ఎటువంటి నష్టం కలిగించలేదని, ఆ వార్తలు పూర్తిగా అబద్ధాలని కొట్టిపడేశారు. హైఫా ఓడరేవులో కార్యకలాపాలు ప్రస్తుతం సాధారణంగా ఉన్నాయని, ఆదివారం ఎనిమిది నౌకలు కార్యకాలాపాలను కొనసాగించాయని వారు తెలిపారు.
ఈ ఓడరేవులో దాదాపు 700 మంది ఉద్యోగులు ప్రస్తుతం పని చేస్తున్నారు. అదానీ పోర్ట్ సంస్థ నిర్వహిస్తున్న ఈ ఓడరేవు ఆ దేశానికి అత్యంత ముఖ్యమైన దిగుమతుల కేంద్రంగా పని చేస్తోంది. ఇజ్రాయెల్ దిగుమతుల్లో 30 శాతానికి పైగా ఇక్కడి నుంచే జరుగుతాయి. ఈ పోర్ట్స్‌లో మన దేశానికి చెందిన అదానీ పోర్ట్స్ వాటా దాదాపు 70 శాతం. ఇజ్రాయెల్‌కు చెందిన గాడోట్ గ్రూప్ భాగస్వామ్యంతో ఈ ఓడరేవును అదానీ గ్రూపు నిర్వహిస్తోంది.
ఇవీ చదవండి:
Gold and Silver Rates Today: స్థిరంగా బంగారం ధరలు.. ఈ రోజు బంగారం, వెండి ధరలు ఎలా ఉన్నాయంటే..
ఐఫోన్, మ్యాక్‌బుక్ రిపేర్ బాధ్యతలు నిర్వహించనున్న టాటా
మరిన్ని బిజినెస్, అంతర్జాతీయ వార్తల కోసం క్లిక్ చేయండి
