Vastu Tips: డబ్బును ఆకర్షించడానికి ఏం చేయాలో తెలుసా..
ABN , Publish Date - Jun 15 , 2025 | 10:50 AM
వాస్తులో దిక్కులు చాలా ముఖ్యమైనవి. అందులో ఉత్తర దిశ డబ్బుకు సంబంధించినది. వాస్తు ప్రకారం, మీరు సంపదను పొందాలంటే ఏమి చేయాలో ఇప్పుడు తెలుసుకుందాం..
Vastu Tips: వాస్తు శాస్త్రంలో దిక్కులకు చాలా ప్రాముఖ్యత ఉంది. అందులో ఉత్తర దిశకు ప్రత్యేక స్థానం ఉంటుంది. ఉత్తర దిశ ఎప్పుడూ క్లీన్‌గా ఉండేలా చూసుకోవాలని వాస్తు నిపుణులు సూచిస్తున్నారు. ఎందుకంటే లక్ష్మీదేవి, కుబేరుడు ఈ దిశలో నివసిస్తారని చెబుతున్నారు. మీరు ఈ దిశను ఎంత శుభ్రంగా ఉంచుకుంటే అంత ఎక్కువ ప్రయోజనాలు పొందుతారని, లేదంటే వాస్తు దోషాలు వస్తాయని అంటున్నారు. వాస్తు ప్రకారం, సంపదను పొందాలంటే ఈ నియమాలు పాటించాలని నిపుణులు చెబుతున్నారు. అవేంటో ఇప్పుడు తెలుసుకుందాం..
ఈశాన్య దిశ
మీరు ఆఫీసులో పనిచేస్తుంటే లేదా వ్యాపారం చేస్తుంటే, వాస్తు శాస్త్రం ప్రకారం మీరు ఉత్తరం, తూర్పు లేదా ఈశాన్య ముఖంగా కూర్చోవాలి. ఎందుకంటే ఇది శుభప్రదంగా పరిగణించబడుతుంది.
ఈ దిశలో డబ్బు
ఉత్తర దిశ కుబేరుని దిశ. కాబట్టి మీరు మీ ఇంట్లో డబ్బును ఉత్తర దిశలో ఉంచాలి. ఈ దిశలో ఉంచిన డబ్బు మీకు మరింత ప్రయోజనాలను ఇస్తుందని అంటారు.
మనీ ప్లాంట్
మీరు ఇంటికి ఉత్తరం లేదా ఈశాన్య దిశలో మనీ ప్లాంట్ ఉంచడం మంచిది. అలాగే దానిని శుభ్రంగా ఉంచి ప్లాంట్ బాగా పెరిగేలా జాగ్రత్త వహించాలి.
ఈ దిశలో బాత్రూమ్ నిర్మించవద్దు
మీ ఇంటికి ఉత్తరం దిశలో బాత్రూమ్ నిర్మించకూడదు. దీనివల్ల మీ జీవితంలో ఆర్థిక సమస్యలు వస్తాయని అంటారు.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)
Also Read:
హైబీపీతో ఎలాంటి కంటి సమస్యలు వస్తాయో తెలుసా
For More Health News
