Vastu Tips: అప్పుల బాధలో ఉన్నారా.. ఈ 5 వాస్తు నివారణలను ప్రయత్నించండి..

Vastu Tips: వాస్తు శాస్త్రం.. మానిషి జీవితంపై లోతైన ప్రభావాన్ని చూపుతుంది. ఇంట్లో ఏ వస్తువును ఏ దిశలో ఉంచాలి? ఏ వస్తువులను ఏ దిశల్లో ఉంచకూడదు? అనే విషయాలతో పాటు డబ్బు సంబంధిత సమస్యల నుండి బయటపడటానికి కూడా వాస్తు శాస్త్రంలో కొన్ని నియమాలు ఉన్నాయి. ఈ నియమాలు పాటించడం వల్ల అప్పుల నుండి బయటపడతారని, అంతేకాకుండా ఆర్థికంగా అభివృద్ధి చెందుతారని నిపుణులు చెబుతున్నారు. ఆ నియమాలు ఏంటో ఇప్పుడు తెలుసుకుందాం..

వాస్తు ప్రకారం, ఇంటి గోడలకు బ్లాక్ పెయింట్ ఎప్పుడూ వేయకూడదు. అలాగే, గోడలపై ఎక్కువ రంగులు ఉండటం వల్ల కూడా అప్పుల బాధతో ఇబ్బంది పడాల్సి వస్తుంది. కాబట్టి, ఇంట్లో తేలికైన, ప్రశాంతమైన రంగులను ఉపయోగించండి. ఇలా చేయడం వల్ల ఇంట్లో సానుకూల శక్తి ప్రవహిస్తుంది. అంతేకాకుండా, ఆర్థికంగా బలపడుతారు.

ఈ దిశలో మెట్లు నిర్మించకూడదు

వాస్తు ప్రకారం, అప్పుల బాధ నుండి బయటపడటానికి ఇంటికి పశ్చిమం వైపు మెట్లు నిర్మించకూడదు. పశ్చిమ దిశలో మెట్లు ఉండటం వల్ల ఇంట్లోకి ప్రతికూల శక్తి ప్రవహిస్తుంది. దీని వల్ల అప్పుల సమస్యలను ఎదుర్కోవలసి రావచ్చు.

ఈ రోజు అప్పు చెల్లించండి

మీరు తీసుకున్న అప్పు తిరిగి చెల్లించాలనుకుంటే మంగళవారం మొదటి వాయిదా చెల్లించడానికి ప్రయత్నించండి. ఎందుకంటే వాస్తు ప్రకారం, మంగళవారం.. అప్పులు తిరిగి చెల్లించడంలో సహాయపడే అంగారక గ్రహానికి సంబంధించినది.

గ్యాస్ స్టవ్‌ని ఈ దిశలో ఉంచండి

వాస్తు ప్రకారం, వంటగదిలో గ్యాస్ సిలిండర్, స్టవ్ ఎప్పుడూ తూర్పు దిశలో ఉంచాలి. ఇలా చేయడం వల్ల జీవితంలో ఆనందం, శ్రేయస్సు లభిస్తుందని, ఇంట్లో సానుకూల శక్తి ప్రవహిస్తుందని నమ్ముతారు.

తులసి మొక్కను పూజించండి

హిందూ మతంలో, తులసి మొక్కను లక్ష్మీ దేవి రూపంగా భావిస్తారు. తులసి మొక్కను క్రమం తప్పకుండా పూజించండి. దానికి నీరు పోయడం వల్ల ఆర్థిక ఇబ్బందులు తొలగిపోయి ఇంటికి శ్రేయస్సు వస్తుందని నమ్ముతారు.

Also Read:

ఉదయాన్నే చిరాగ్గా అనిపిస్తోందా.. ఇలా జరగడానికి కారణాలివే..

ఈ హాబీలు యువకుల జీవితాలను నాశనం చేస్తాయి..

For More lifestyle News