ప్రతిరోజు వాకింగ్ వల్ల ఎన్నో ఆరోగ్య ప్రయోజనాలున్నాయి. అయితే నడిచే విధానంలో కొన్ని కీలక మార్పులు చేసుకోవాలి.
బరువు తగ్గడానికి, షుగర్, బీపీ వంటి లైఫ్‌స్టైల్ వ్యాధులను నియంత్రణలో ఉంచడానికి వాకింగ్ ఎంతో ఉపయోగపడుతుంది.
6-6-6 వాకింగ్ రూల్ ప్రకారం నడిస్తే త్వరగా బరువు తగ్గవచ్చట. పలు అనారోగ్యాలను నియంత్రించవచ్చట.
ఉదయం 6 గంటలకు, సాయంత్రం 6 గంటలకు రోజులో 60 నిమిషాల పాటు నడవాలట. 6 నిమిషాలు వార్మప్‌నకు, 6 నిమిషాలు కూల్ డౌన్‌కు కేటాయించాలట.
ఉదయాన్నే 6 గంటలకు నడక ప్రారంభించి 30 నిమిషాల పాటు నడిస్తే గుండె ఆరోగ్యం మెరుగుపడడమే కాకుండా, లంగ్ కెపాసిటీ పెరుగుతుందట.
ఉదయం నడక వల్ల మెటబాలిజమ్ పెరగడం, రక్త ప్రసరణ పెరగడమే కాకుండా ఎనర్జీ లెవెల్స్ పెరుగుతాయట.
సాయంత్రం 6 గంటలకు నడక ప్రారంభించి మరో 30 నిమిషాలు నడవాలి. సాయంత్రం నడక స్ట్రెస్‌ను తగ్గిస్తుందట. అలాగే మనసును ప్రశాంతంగా మార్చి మంచి నిద్రకు దోహదం చేస్తుంది.
వాకింగ్‌కు ముందు 6 నిమిషాలు వార్మప్ వ్యాయామాలు చేయాలి. అలాగే వాకింగ్ తర్వాత 6 నిమిషాల పాటు స్ట్రెచింగ్ వర్కవుట్స్ చేయాలి.
రోజులో 60 నిమిషాల వాకింగ్ కలిగించే ఆరోగ్య ప్రయోజనాలు అన్నీ ఇన్నీ కావు. 12 గంటల విరామంలో 30 నిమిషాల చొప్పున వాకింగ్ చేస్తే డాక్టర్‌ దగ్గరకు వెళ్లే అవసరం గణనీయంగా తగ్గుతుందట.