ఉలవలు తీసుకోవడం వల్ల అనేక ప్రయోజనాలున్నాయని ఆరోగ్య నిపుణులు చెబుతున్నారు.
ఇవి మంచి బలవర్ధకమైన ఆహారమని అంటున్నారు.
ఉలవల కషాయం తీసుకోవడం వల్ల జ్వరం,దగ్గు వంటి సమస్యల నుంచి తక్షణ ఉపశమనం లభిస్తోంది.
ఉలవల్లోని పోషకాలు కిడ్నీలో రాళ్లు ఏర్పడకుండా చేస్తాయి. రక్తనాళాల్లో పేరుకుపోయిన చెడు కొవ్వును కరిగిస్తాయి. దీంతో గుండెకు రక్త సరఫరా మెరుగవుతోంది.
శరీరానికి శక్తిని అందిస్తాయి.అనేక అనారోగ్య సమస్యలను దూరం చేస్తాయి.వీటిలో ప్రోటీన్, ఐరన్, కాల్షియం, ఫాస్ఫరస్ తదితర పోషకాలతోపాటు పీచుపదార్థం పుష్కలంగా ఉంటుంది.
శరీరంలో పేరుకుపోయిన కఫాన్ని తగ్గిస్తాయి. చర్మ సమస్యల నివారణలో.. కీళ్ళ నొప్పుల నివారణకు ఉలవలు బాగా పని చేస్తాయి.
ఊబకాయం సమస్య ఉన్నవారు వీటిని ఆహారంలో భాగంగా చేసుకుంటే మంచిది.
వీటిలో ఫైబర్ కంటెంట్ అధికంగా ఉంటుంది.ఇది పేగు కండరాల కదలికల్ని మెరుగుపర్చి విరోచనం సాఫీగా జరిగేలా చేస్తోంది.
పిల్లల ఎదుగుదలకు ఉలవలు మంచి మేలు చేస్తాయి.ఇవి పిల్లల శారీరక, మానసిక ఆరోగ్యానికి దోహదపడతాయి. వారికి బలాన్ని ఇస్తాయి.
ఉలవలు తీసుకోవడం ద్వారా ఎక్కిళ్ల సమస్య నుంచి తక్షణ ఉపశమనం పొందవచ్చు.
మూత్ర సంబంధ సమస్యలు నివారించడంలో ఉలవలు సహాయపడతాయి.దీని కోసం ఓ కప్పు ఉలవ చారుకు సమానంగా కొబ్బరి నీళ్లు తీసుకుంటే మూత్రంలో మంట తగ్గుతుంది.