Writers Journey: పాఠకదేవుళ్ళకు...
ABN , Publish Date - Jul 21 , 2025 | 02:43 AM
చక్కగా టేకాఫ్ అయిన రచయిత ఎక్కడెక్కడో గగనసీమల్లో తిరిగి తిరిగి
Writers Journey
చక్కగా టేకాఫ్ అయిన రచయిత
ఎక్కడెక్కడో గగనసీమల్లో తిరిగి తిరిగి
మ‌రలా ల్యాండయ్యేందుకు
ఒక్క దయామయుడైన పాఠకుడుండాలి
కారుమబ్బులకు కొండలున్నట్లు
కారే మేఘాలకు నేల అండ ఉన్నట్లు
పాఠకుడు ఒక పిడికెడు మట్టి
కవులు విత్తనాలై విస్తరిస్తారు
పాఠకుడు ఓ చమురు ప్రమిద
రచయితలు వత్తులై వెలిగిపోతారు
ఆఖరున...
సృజనకారుల చేత ఊపిరిపోసుకున్న
రసభరితమైన పసి రచన
పాఠకుడు ఊయలై
హాయిగా తననెపుడు
ఊపుతాడా అని ఎదురుచూస్తుంది
-నలిమెల భాస్కర్
Updated Date - Jul 21 , 2025 | 02:44 AM
