Today Horoscope: ఈ రాశి వారు పెట్టుబడుల్లో నిదానం అవసరం

నేడు రాశిఫలాలు 24-7-2025 - గురువారం, విద్యార్థులు ఆశించిన ఫలితాలు సాధించేందుకు అధికంగా శ్రమించాలి.

మేషం (మార్చి 21 - ఏప్రిల్‌ 20 మధ్య జన్మించిన వారు)

విద్యార్థులు ఆశించిన ఫలితాలు సాధించేందుకు అధికంగా శ్రమించాలి. చిన్నారుల వైఖరి మనస్తాపం కలిగిస్తుంది. పెట్టుబడుల్లో నిదానం అవసరం. షాపింగ్‌లో ఖర్చులు అంచనాలు మించిపోతాయి. సృజనాత్మకంగా వ్యవహరించి లక్ష్యాలు సాధిస్తారు. శ్రీ దత్త కవచ పారాయణ శుభప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

కుటుంబ సభ్యుల వైఖరి ఆవేదన కలిగిస్తుంది. భూములు, ఇళ్ల క్రయవిక్రయాల్లో సమస్యలు ఎదురయ్యే అవకాశం ఉంది. హార్డ్‌వేర్‌, నిర్మాణ సామగ్రి, ఫర్నీచర్‌ వ్యాపారులు జాగ్రత్తలు పాటించాలి. లక్ష్మీనరసింహ స్తోత్ర పారాయాణ శుభప్రదం.

మిథునం (మే 21-జూన్‌ 21 మధ్య జన్మించిన వారు)

డ్రైవింగ్‌లో నిదానం పాటించండి. రాతకోతల్లో తప్పులు దొర్లే అవకాశం ఉంది. చెక్కులు, పత్రాలు సకాలంలో అందకపోవడంతో ఇబ్బంది పడతారు. ఒక సమాచారం ఆవేదన కలిగిస్తుంది. సన్నిహితుల నుంచి చిక్కులు ఎదురవుతాయి. గోమాతను ఆరాధించండి.

కర్కాటకం (జూన్‌ 22 - జూలై 23 మధ్య జన్మించిన వారు)

ఆర్థిక వ్యవహారాల్లో కొన్ని ఆటంకాలు ఎదురయ్యే అవకాశం ఉంది. డబ్బు విషయంలో సన్నిహితులు మొహమాటపెట్టే అవకాశం ఉంది. విలాలసాకు ఖర్చులు అధికం. మధ్యా్‌హ్నం నుంచి పరిస్థితి కొంత మెరుగవుతాయి. షిర్డి సాయినాధుని ఆరాధన శుభప్రదం.

సింహం (జూలై 24 - ఆగస్టు 23 మధ్య జన్మించిన వారు)

వ్యక్తిగత సౌకర్యాలకు ఖర్చు చేస్తారు. మీ ప్రయత్నాలకు కొన్ని అనుకోని ఆటంకాలు ఎదురయ్యే అవకాశం ఉంది. సన్నిహితులు మీ ఆలోచనలకు బిన్నంగా వ్యవహరించడతో మనోవేదనకు గురవుతారు. అనుకున్న పనులు పూర్తి కాకపోవడంతో నిరుత్సాహానికి గురవుతారు. దక్షిణామూర్తి స్తోత్ర పారాయణ శుభ ప్రదం.

కన్య (ఆగస్టు 24 - సెప్టెంబరు 23 మధ్య జన్మించిన వారు)

మానసిక ప్రశాంతకు భంగం కలుగుతుంది. ప్రయాణాలు, చర్చల్లో ఇబ్బందులు ఎదురు కావచ్చు. సినీ, రాజకీయ రంగాల వారు ఆచితూచి వ్యహరించాలి. ఉన్నత చదువుల కోసం చేసే ప్రయత్నాలు నెమ్మదిగా పూర్తవుతాయి. యోగధ్యానాలు సత్ఫలితాలనిస్తాయి.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఆర్థిక వ్యవహారాల్లో చిక్కులు ఎదురయ్యే అవకాశం ఉంది. విలువైన వస్తువుల కొనుగోలు సమయంలో నాణ్యతను గమనించాలి. ఫైనాన్స్‌, చిట్‌ఫండ్‌లు, వడ్డీ వ్యాపారులు జాగ్రత్తగా ముందడుగు వేయాలి. బృంద కార్యక్రమాల్లో ఖర్చులు అధికం. అన్నదానం మేలు చేస్తుంది.

వృశ్చికం (అక్టోబరు 24 - నవంబరు 22 మధ్య జన్మించిన వారు)

ప్రభుత్వ సంస్థలతో పనులకు ఆటంకాలు ఎదురయ్యే అవకాశం ఉంది. గౌరవమర్యాదలకు భంగం కలగవచ్చు. ఉద్యోగ, వ్యాపారాల్లో కష్టం మీద లక్ష్యాలు సాధిస్తారు. పెద్దల కలయిక లక్ష్య సాధనకు ఉపయోగపడుతుంది. గోమాత ఆరాధన శుభప్రదం.

ధనుస్సు (నవంబరు 23 - డిసెంబరు 21 మధ్య జన్మించిన వారు)

ప్రయాణాలు, చర్చలకు ఆటంకాలు ఎదురయ్యే అవకాశం ఉంది. ఉన్నత విద్య కోసం చేసే ప్రయత్నాలకు ఆటంకాలు ఎదురవుతాయి. కన్సల్టెన్సీలు, విద్యాసంస్థలు, ఈవెంట్‌ మేనేజ్‌మెంట్‌ రంగాల వారు పట్టుదలతో లక్ష్యాలు సాధిస్తారు. శ్రీ దత్తాత్రేయ స్వామి ఆరాధన శుభప్రదం.

మకరం (డిసెంబరు 22-జనవరి 20 మధ్య జన్మించిన వారు)

పన్నులు, బ్యాంక్‌ లోన్‌ల వల్ల సమస్యలు ఎదురవుతాయి. బీమా, పెన్షన్‌, మెడికల్‌ క్లెయిములు వ్యవహారాలు చికాకు పెడతాయి. ఆరోగ్యం పట్ల శ్రద్ధ చూపాలి. మధ్యాహ్నం నుంచి ఆరోగ్యం కొంత మెరుగుపడుతుంది. సకాలంలో డబ్బు చేతికి అందక ఇబ్బంది పడతారు. అన్నదానం శుభప్రదం.

కుంభం (జనవరి 21 - ఫిబ్రవరి 19 మధ్య జన్మించిన వారు)

ఆర్థిక లావాదేవీల్లో నిదానం పాటించాలి. ప్రత్యర్థుల నుంచి చిక్కులు ఎదుర్కొంటారు. పందాలు పోటీలకు దూరంగా ఉండాలి. అనుకోని వివాదాల్లో చిక్కుకునే అవకాశం ఉంది. స్టాక్‌ మార్కెట్‌ లావాదేవీల్లో నెమ్మది అవసరం. గోమాత ఆరాధన శుభప్రదం.

మీనం (ఫిబ్రవరి 20 - మార్చి 20 మధ్య జన్మించిన వారు)

ఉద్యోగ, వ్యాపారాల్లో లక్ష్య సాధనకు ఆటంకాలు ఎదురవుతాయి. సహోద్యోగుల నుంచి అనుకోని చిక్కులు ఎదురవుతాయి. ఫార్మా, హాస్టళ్లు, ఆహార రంగ వ్యాపారులకు కొంత నిరాశ ఎదురయ్యే అవకాశం ఉంది. సన్నిహితుల ఆరోగ్యం పట్ల శ్రద్ద చూపించాలి. ద క్షిణా మూర్తిని ఆరాధించండి.

- బిజుమళ్ళ బిందుమాధవ శర్మ