Today Horoscope: ఈ రాశి వారు ఆచితూచి వ్యవహరించాలి

నేడు 26-04-2025, శనివారం, కొత్త పరిచయాలు ఉల్లాసం కలిగిస్తాయి. వ్యాపార రంగంలోని వారు లక్ష్యాలు సాధిస్తారు.

మేషం (మార్చి 21 - ఏప్రిల్‌ 20 మధ్య జన్మించిన వారు)

అదనపు ఆదాయం అందుకుంటారు. పెట్టుబడుల విషయంలో ఆచితూచి వ్యవహరించాలి. షాపింగ్‌ ఆనందం కలిగిస్తుంది. వ్యక్తిగత సౌకర్యాల కోసం ఖర్చు చేస్తారు. సంకల్ప సిద్ధికి అదనంగా శ్రమించాలి.

వృషభం ( ఏప్రిల్‌ 21 - మే 20 మధ్య జన్మించిన వారు)

రాజకీయాలు, సినిమాలు, టెక్స్‌టైల్స్‌, కళల రంగాల వారికి ఆర్థికంగా లాభిస్తుంది. ఎగుమతులు, కన్సల్టెన్సీ రంగాల వారికి ప్రోత్సాహకరగా ఉంటుంది. పట్టుదలతో లక్ష్యాలు సాధిస్తారు. దూరప్రయాణాల్లో అసౌకర్యం కలిగే అవకాశం ఉంది.

మిథునం (మే 21-జూన్‌ 21 మధ్య జన్మించిన వారు)

ఆర్థిక పరిస్థితిని సమీక్షించుకుంటారు. రహస్య సమాచారం తెలుసుకుంటారు. దీర్ఘకాలిక పెట్టుబడులు లాభిస్తాయి. వ్యాపారులకు ప్రోత్సాహకరంగా ఉంటుంది. ఆర్థిక విషయాల్లో సన్నిహితుల సహకారం లభిస్తుంది. విలువైన వస్తువులు కోల్పోయే అవకాశం ఉంది.

కర్కాటకం (జూన్‌ 22 - జూలై 23 మధ్య జన్మించిన వారు)

వ్యాపార రంగంలోని వారికి ప్రోత్సాహకరమైన రోజు ఆర్థిక విషయాల్లో పెద్దల సహకారం లభిస్తుంది. సమావేశాల్లో గౌరవ మర్యాదలు అందుకుంటారు. ప్రదర్శనలు, ఊరేగింపుల్లో పాల్గొంటారు. ఖర్చులు అధికం.

సింహం (జూలై 24- ఆగస్టు 23 మధ్య జన్మించిన వారు)

వ్యాపార విషయాల్లో అంచనాలు ఫలిస్తాయి. ప్రింటింగ్‌, టెలివిజన్‌, న్యాయం, బోధన, కన్సల్టెన్సీ, రవాణా, రక్షణ రంగాల వారికి వృత్తిపరంగా అనుకూలంగా ఉంటుంది. చర్చలు, ప్రయాణాల్లో జాగ్రత్త అవసరం. బృందకార్యక్రమాల్లో పాల్గొంటారు.

కన్య (ఆగస్టు 24-సెప్టెంబరు 23 మధ్య జన్మించిన వారు)

ఆర్థిక విషయాల్లో మీ అంచనాలు ఫలిస్తాయి. బంధుమిత్రులను పరామర్శిస్తారు. విలువైన వస్తువులు సమకూర్చుకుంటారు. పన్నులు, బీమా వ్యవహారాలపై దృష్టి పెడతారు. పెద్దల ఆరోగ్యం కొంత ఆందోళన కలిగిస్తుంది.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఆర్థిక లావాదేవీలు, పెట్టుబడుల విషయాలకు అనుకూలమైన రోజు సన్నిహితులతో ఉల్లాసంగా గడుపుతారు. భాగస్వామి ఆరోగ్యం మెరుగుపడుతుంది. కొత్త పరిచయాల వల్ల లబ్ధి పొందుతారు. పందాలు, పోటీల్లో నిదానం పాటించండి.

వృశ్చికం (అక్టోబరు 24 - నవంబరు 22 మధ్య జన్మించిన వారు)

కొత్త పరిచయాలు ఉల్లాసం కలిగిస్తాయి. వ్యాపార రంగంలోని వారు లక్ష్యాలు సాధిస్తారు. వాణిజ్యం, వ్యవసాయ రంగాల వారికి ప్రోత్సాహకరంగా ఉంటుంది. నూతన ప్రాజెక్టుల విషయంలో ఆచితూచి వ్యవహరించాలి.

ధనుస్సు (నవంబరు 23 - డిసెంబరు 21 మధ్య జన్మించిన వారు)

ప్రియతముల ఆరోగ్యం మెరుగుపడుతుంది. ప్రకటనలు, విద్యాసంస్థలు, ఫైనాన్స్‌ కంపెనీల వారికి అనుకూల సమయం. కొత్త పరిచయాలు లాభిస్తాయి. సృజనాత్మక రంగాల వారికి అనుకూలంగా ఉంటుంది. సన్నిహితుల వైఖరి ఆవేదన కలిగిస్తుంది.

మకరం (డిసెంబరు 22-జనవరి 20 మధ్య జన్మించిన వారు)

గృహనిర్మాణ సామగ్రి, ఫర్నీచర్‌ రంగాల వారికి ప్రోత్సాహకరంగా ఉంటుంది. ప్రియతములను కలుసుకుంటారు. చిన్నారులకు వసతి లభిస్తుంది. విలువైన వస్తువులు కొనుగోలు చేస్తారు. కుటుంబ సభ్యుల వైఖరి ఆవేదన కలిగిస్తుంది.

కుంభం (జనవరి 21 - ఫిబ్రవరి 19 మధ్య జన్మించిన వారు)

మార్కెటింగ్‌, రవాణా, బోదన, స్టేషనరీ, ఏజెన్సీ రంగాల వారు లక్ష్యాలు సాధిస్తారు. చర్చలు, ప్రయాణాల్లో జాగ్రత్తలు పాటించాలి. విద్యార్థులు పట్టుదలతో శ్రమించి లక్ష్యాలు సాధిస్తారు. ఇంటి కోసం విలువైన వస్తువులు కొనుగోలు చేస్తారు.

మీనం (ఫిబ్రవరి 20 - మార్చి 20 మధ్య జన్మించిన వారు)

బంధుమిత్రుల సహకారంతో ఆర్థికపరమైన లక్ష్యాలు సాధిస్తారు. పెట్టుబడులు, పొదుపు పథకాలపై చర్చలకు అనుకూలం. ఆర్థిక విషయాల్లో సన్నిహితుల సహకారం లభిస్తుంది. విలువైన పత్రాలు సకాలంలో అందక ఇబ్బంది పడతారు.