Credit Card Bills: మీ క్రెడిట్ కార్డ్ చెల్లింపును మిస్ అయ్యారా?
ABN , Publish Date - Aug 02 , 2025 | 07:51 PM
ఈ నెలలో మీరు చెల్లించాల్సిన క్రెడిట్ కార్డ్ బిల్లు చెల్లించడం మిస్ అయ్యారంటే, ఎలాంటి పరిణామాలు ఎదుర్కోవాలో చూద్దాం. మరుసటి రోజు నుంచే, మీ బ్యాంక్.. మీ బ్యాలెన్స్‌పై వడ్డీని వసూలు చేయడం ప్రారంభిస్తుంది. ఈ వడ్డీ రేటు..
ఇంటర్నెట్ డెస్క్: ఈనెలలో మీరు చెల్లించాల్సిన క్రెడిట్ కార్డ్ బిల్లు చెల్లించడం మిస్ అయ్యారంటే, ఎలాంటి పరిణామాలు ఎదుర్కోవాలో చూద్దాం. మరుసటి రోజు నుంచే మీ బ్యాంక్.. మీ బ్యాలెన్స్‌పై వడ్డీని వసూలు చేయడం ప్రారంభిస్తుంది. ఈ వడ్డీ రేటు చిన్నగా ఏం ఉండదు, ఏకంగా క్రెడిట్ కార్డ్ వడ్డీ నెలకు 3-4% వరకు ఉంటుంది. స్వల్ప ఆలస్యం కూడా మీ బకాయిలను అప్పుల పర్వతంగా మారుస్తుంది.
మీ క్రెడిట్ స్కోర్ క్షమించదు, మరువదు
క్రెడిట్ స్కోర్‌లు సున్నితమైనవి. ఒక మిస్ అయిన చెల్లింపు కూడా నష్టాన్ని కలిగిస్తుంది. ప్రత్యేకించి అది 30 రోజుల మార్కును దాటితే, రుణదాతలు దానిని చూసి వెంటనే మిమ్మల్ని రిస్క్ అని పిలుస్తారు. మీ CIBIL స్కోరు 50 నుంచి 100 పాయింట్లు తగ్గవచ్చు. భవిష్యత్తులో రుణాలు లేదా కొత్త కార్డులు పొందడం కష్టతరం అవుతుంది.. మీరు ఒక మంచి రుణగ్రహీత అయినప్పటికీ కూడా.
ఆలస్య రుసుము ప్లస్ ఆ రుసుముపై GST
అవును, మీ బిల్లు సకాలంలో చెల్లించకపోతే ఆలస్య చెల్లింపు ఛార్జ్ ఉంటుంది. మీ బ్యాలెన్స్‌ను బట్టి దాదాపు రూ. 1,200 నుంచి 1,300 వరకూ ఉండొచ్చు. కానీ అది అక్కడితో ఆగదు. జరిమానాతో పాటు 18% GST చెల్లించాల్సి ఉంటుంది.
అంతేకాదు, చాలా బ్యాంకులు సైలెంట్ గా మీ రివార్డ్ పాయింట్లను తీసివేస్తాయి. మీ క్యాష్‌బ్యాక్ ఆఫర్లను స్తంభింపజేస్తాయి. లేదా మీరు చెల్లింపులను ఒకటి కంటే ఎక్కువ సార్లు ఆలస్యం చేస్తే మీ క్రెడిట్ పరిమితిని తగ్గిస్తాయి.
బ్యాంక్ మిమ్మల్ని వెంటాడుతుంది
మీరు కొన్ని నెలలు మీ బిల్లును విస్మరిస్తే, అది మాసిపోదు. బ్యాంకులు మీ కేసును రికవరీ ఏజెంట్లకు అప్పగించవచ్చు. ఈ దశలో మీకు కాల్స్, ఈ-మెయిల్స్, చట్టపరమైన నోటీసులు కూడా రావడం ప్రారంభించవచ్చు. ఇది రాత్రికి రాత్రే జరగకపోయినా, మీరు తేలికగా తీసుకోకూడని ప్రమాదం ఇది.
బిల్లు చెల్లించలేకపోతే మీరేం చేయాలి?
మీకు క్రెడిట్ కార్డు బిల్ కట్టడం కుదరకపోతే అదృశ్యం కావద్దు. మీ బ్యాంకుతో మాట్లాడండి. వారు మీ బకాయిలను EMIలుగా మార్చవచ్చు లేదా స్వల్పకాలిక ఉపశమన ప్రణాళికను అందించవచ్చు. కనీసం డిఫాల్టర్‌గా గుర్తించబడకుండా ఉండటానికి కనీస చెల్లింపును చెల్లించడానికి ప్రయత్నించండి. చెల్లించాల్సిన బిల్లుల నుంచి మీరు ఎంత త్వరగా బయటపడితే అంత మంచిది.
ఈ వార్తలు కూడా చదవండి..
కాంగ్రెస్‌ మాత్రమే మోదీని కుర్చీ నుంచి దింపగలదు: రేవంత్‌రెడ్డి
ప్రభుత్వ సొమ్ము తిన్నవాళ్లను తిరిగి కక్కిస్తాం.. మహేష్ గౌడ్ స్ట్రాంగ్ వార్నింగ్
Read latest Telangana News And Telugu News
