Travel Credit Cards: ట్రావెల్ క్రెడిట్ కార్డ్స్, వాటి ఉపయోగాలు

ఇంటర్నెట్ డెస్క్: మన దేశంలో క్రెడిట్ కార్డులు దైనందిన జీవితాలలో భాగం అయిపోయాయి. అయితే, వీటిలో పలు రకాల కార్డులు వివిధ రకాల ప్రయోజనాలు కల్పిస్తుంటాయి. ఏయే సమయాల్లో ఏ రకమైన కార్డులు ఉపయోగిస్తే లాభదాయకమో వినియోగదారులకు ఒక ఐడియా ఉంటే మెరుగైన బెనిఫిట్స్ అందిపుచ్చుకోవచ్చు.

ఎక్కువగా ప్రయాణాలు, టూరిజం ఆసక్తి ఉన్నవాళ్లకి ప్రత్యేకంగా భారతదేశంలో వివిధ రకాల ట్రావెల్ క్రెడిట్ కార్డులు అందుబాటులో ఉన్నాయి. ఆయా బ్యాంకులు ఇచ్చే ట్రావెల్ క్రెడిట్ కార్డులు వివిధ రకాల బెనిఫిట్స్‌ను యూజర్లకు అందిస్తున్నాయి. ముఖ్యంగా తరచూ ప్రయాణం చేసే వారికి ఇవి ఎంతగానో ఉపయోగపడతాయి. రివార్డ్ పాయింట్లు, ఎయిర్ మైల్స్, లాంజ్ యాక్సెస్, ట్రావెల్ ఇన్సూరెన్స్ వంటి ప్రత్యేక ప్రయోజనాలను అందిస్తాయి.

ట్రావెల్ క్రెడిట్ కార్డుల ఉపయోగాలు

రివార్డ్ పాయింట్లు/ఎయిర్ మైల్స్:

ట్రావెల్ కార్డులు ప్రయాణానికి సంబంధించిన ప్రతీ ఖర్చుపై ముఖ్యంగా విమాన టికెట్లు, హోటల్ బుకింగ్‌లు, డైనింగ్ వంటి ట్రావెల్ సంబంధిత ఖర్చులపై రివార్డ్ పాయింట్లు లేదా ఎయిర్ మైల్స్‌ను అందిస్తాయి. ఉదాహరణకు, HDFC Diners Club Privilege కార్డ్ ట్రావెల్ ఖర్చులపై 10X పాయింట్లను అందిస్తుంది. ఇవి విమాన టికెట్లు లేదా హోటల్ బుకింగ్‌ల కోసం రిడీమ్ చేసుకోవచ్చు.

ఎయిర్‌పోర్ట్ లాంజ్ యాక్సెస్:

దేశీయ, అంతర్జాతీయ ఎయిర్‌పోర్ట్ లాంజ్‌లకు ఉచిత యాక్సెస్ అందిస్తాయి. ఉదాహరణకు Axis Bank ATLAS కార్డ్ సంవత్సరానికి 12 అంతర్జాతీయ, 18 దేశీయ లాంజ్ సందర్శనలను ఉచితంగా అందిస్తుంది.

ఫారెక్స్ మార్కప్ ఫీజు తగ్గింపు:

అంతర్జాతీయ లావాదేవీలపై సాధారణంగా 2 నుంచి 3.5 శాతం ఫారెక్స్ మార్కప్ ఫీజు వసూలు చేస్తారు. అయితే, కొన్ని కార్డులు ఉదాహరణకు RBL World Safari, 0 శాతం మార్కప్ ఫీజును అందిస్తుంది. ఇది విదేశీ ప్రయాణాల్లో ఖర్చులను తగ్గిస్తుంది.

ట్రావెల్ ఇన్సూరెన్స్:

లగేజ్ నష్టపోయినా లేదా ట్రిప్ రద్దు, వైద్య అత్యవసర పరిస్థితుల కోసం ఇన్సూరెన్స్ కవరేజ్ అందిస్తాయి. ICICI Bank Emeralde Private Metal కార్డ్ రూ.కోటి వరకూ ఎయిర్ యాక్సిడెంట్ కవరేజ్‌ను అందిస్తుంది.

డిస్కౌంట్లు, క్యాష్‌బ్యాక్:

మేక్ మై ట్రిప్ (MakeMyTrip), యాత్రా (Yatra), ఈజ్ మై ట్రిప్ (EaseMyTrip) వంటి ట్రావెల్ ప్లాట్‌ఫామ్‌లలో డిస్కౌంట్లు లేదా క్యాష్‌బ్యాక్ వస్తుంటాయి. ఉదాహరణకు Standard Chartered EaseMyTrip కార్డ్ బుకింగ్‌లపై 10 నుంచి 20 శాతం డిస్కౌంట్‌ను అందిస్తుంది.

కో-బ్రాండెడ్ ప్రయోజనాలు:

ఎయిర్ ఇండియా (Air India), ఇండిగో (IndiGo), ఎమిరేట్స్ (Emirates) వంటి ఎయిర్‌లైన్స్ లేదా మేక్ మై ట్రిప్ (MakeMyTrip) వంటి ట్రావెల్ ప్లాట్‌ఫామ్‌లతో కో-బ్రాండెడ్ కార్డులు అధిక రివార్డ్‌లు, ప్రత్యేక ఆఫర్‌లను అందిస్తాయి.

ఇతర ప్రయోజనాలు:

ఉచిత హోటల్ స్టే, గోల్ఫ్ రౌండ్స్, డైనింగ్ డిస్కౌంట్లు, ఫ్యూయల్ సర్ఛార్జ్ వైవర్‌లు వంటివి అందిస్తాయి. Marriott Bonvoy HDFC కార్డ్ ఉచిత హోటల్ నైట్ అవార్డ్‌ను అందిస్తుంది.

వివిధ రకాల ట్రావెల్ క్రెడిట్ కార్డులు :

HDFC డైనర్స్ క్లబ్ ప్రివిలేజ్ (HDFC Diners Club Privilege), యాక్సిస్ బ్యాంక్ అట్లాస్ (Axis Bank ATLAS), ఆర్బీఎల్ వరల్డ్ సఫారీ (RBL World Safari), ICICI బ్యాంక్ మేక్‌మై ట్రిప్ క్రెడిట్ కార్డ్ (ICICI Bank MakeMyTrip Credit Card), అమెరికన్ ఎక్స్‌ప్రెస్ ప్లాటినం ట్రావెల్(American Express Platinum Travel) వంటివి పలు రకాల ట్రావెల్ బెనిఫిట్స్ అందిస్తున్నాయి.

గమనిక: బ్యాంకింగ్, నాన్ బ్యాంకింగ్ మార్కెట్లో ఈ తరహా సేవల్ని పలు సంస్థలు అందిస్తున్నాయి. వాటన్నింటినీ క్షుణ్ణంగా అర్థం చేసుకుని లాభనష్టాలు బేరీజు వేసుకోవడం ద్వారా వినియోగదారులు కార్డులను ఎంచుకుంటే తగిన ఫలితం ఉంటుంది.

ఇవి కూడా చదవండి..

సిద్ధరామయ్య, డీకే ప్రత్యేక అధికారుల మధ్య బాహాబాహీ

ప్రపంచంలో అత్యంత విశ్వసనీయ నేతగా ప్రధాని మోదీ

మరిన్ని జాతీయ, అంతర్జాతీయ వార్తల కోసం క్లిక్ చేయండి