Amazon layoffs: అమెజాన్‌లో భారీ స్థాయిలో తొలగింపులకు రంగం సిద్ధం.. 30 వేల మందిపై వేటు

ఇంటర్నెట్ డెస్క్: భారీ స్థాయిలో ఉద్యోగులను తొలగించేందుకు టెక్ దిగ్గజం అమెజాన్ సిద్ధమవుతోంది. దాదాపు 30 వేల మంది కార్పొరేట్ ఉద్యోగులకు ఉద్వాసన పలికేందుకు కంపెనీ సిద్ధమైనట్టు అంతర్జాతీయ మీడియాలో కథనాలు వెలువడుతున్నాయి. ఈ వారం నుంచే తొలగింపులు ప్రారంభం అయ్యే ఛాన్సుంది. అమెజాన్‌లో 3.5 లక్షల మంది కార్పొరేట్ ఉద్యోగుల్లో ఈసారి ఏకంగా 10 శాతం మంది జాబ్ కోల్పోనున్నారు. 2020 తరువాత కంపెనీలో ఈస్థాయిలో లేఆఫ్స్ జరగడం ఇదే తొలిసారి అని టెక్ వర్గాలు చెబుతున్నాయి. తొలగింపులకు సంబంధించి మంగళవారం నుంచి ఈమెయిల్స్ ద్వారా సమాచారం తెలియజేస్తారు (Amazon).

ఈసారి సంస్థకు చెందిన పలు విభాగాల్లో కోతలు ఉండనున్నాయి. మానవవనరుల విభాగం, ఆపరేషన్స్, డివైజెస్, సర్వీసులు, అమెజాన్ వెబ్ సర్వీసుల్లో కార్పొరేట్ ఉద్యోగులు ఉద్వాసనకు గురికానున్నారు. మానవ వనరుల విభాగంలో ఈసారి 15 శాతం మంది తమ జాబ్ కోల్పోయే ప్రమాదం ఉంది.

కరోనా సంక్షోభ సమయంలో భారీ స్థాయిలో నియామకాలు చేపట్టిందుకు దిద్దుబాటు చర్యల్లో భాగంగా అమెజాన్ తొలగింపులకు సిద్ధమవుతోంది. కంపెనీలో అధికార గణాన్ని తగ్గించాలన్న సీఈఓ యాండీ జెస్సీ యోచనలో భాగంగా ఈ లేఆఫ్స్ జరుగుతున్నాయి. తీసుకోనున్నారు. ముఖ్యంగా సంస్థలో మేనేజర్ల సంఖ్యను కుదించాలన్న యోచనలో సీఈఓ ఉన్నారు. ఏఐ వినియోగం పెరిగే కొద్దీ మరిన్ని తొలగింపులు ఉంటాయని కూడా సీఈఓ ఇటీవల సంకేతాలిచ్చారు.

కార్పొరేట్ విభాగ పునర్ వ్యవస్థీకరణ జరుగుతున్నప్పటికీ ఈ హాలిడే సీజన్‌లో అనేక మందికి అమెజాన్ తాత్కాలిక ఉపాధి అవకాశాలు కల్పించనుంది. ఈ సీజన్‌లో సుమారు 2. 50 లక్షల మందికి సంస్థలో జాబ్ లభించే అవకాశం ఉంది. పండుగ సీజన్‌లో పెరిగే రద్దీని తట్టుకునేందుకు, వేర్ హౌస్ కార్యకలాపాల కోసం సంస్థ తాత్కాలిక ప్రాతిపదికన సిబ్బందిని నియమించుకోనుంది.

ఇవీ చదవండి:

బంగారానికి తగ్గిన డిమాండ్.. ధరల్లో కోత

ప్రభుత్వ బ్యాంకుల్లోకి 49శాతం విదేశీ పెట్టుబడులు

మరిన్ని బిజినెస్, అంతర్జాతీయ వార్తల కోసం క్లిక్ చేయండి